ইম্ফাল নোংচুপ পানাগী লমশাং কেন্দ্রগী মনূঙচন্না সলামদা লৈরিবা ৱেষ্টর্ন ষ্টেন্দার্দ হায় স্কুল অসী হৌজিক লৈঙাক্না ওজা ১০ এপ্রূভ তৌরদুনা গ্ৰান্ট -ইন-এইদ ফংদুনা লৈরি।পাৎসোই লমখায়দগী শঙাইথেল ফাওবগী মনূঙদা হায় স্কুল অমত্তা লৈতবনা মহৈরোয়শিংদা খুদোংচাদবা কয়া মায়োক্নদুনা লাকখিবদু ঙসীদি স্কুল অসী লৈরবনিনা অৱাবা অমত্তা লৈত্রে।
য়ূম্নাম খেমচান্দনা লুচিংবা অনৌবা লৈঙাক অসীনা স্কুল অসী ফুল ফ্লেজেদ ওইহন্ননবা কনভর্সন তৌরগনি হায়না লমশাং কেন্দ্রগী এম এল এ শোরোকখাইবম রাজেন্না ফোঙদোকখ্রে। ঙরাং স্কুল অসীদা পাঙথোকখিবা চহীগী ওইবা স্পোর্তস মিট হৌদোকখিবা থৌরমদা অথোয়বা মীথূঙলেন ওইনা শরূক য়াখিবা কেন্দ্র অসীগী এম এল এ রাজেন্না ৱাফম অসী ফোঙদোকখিবনি।
প্রাইম মিনিষ্টর নরেন্দ্র মোদিগী অশানবা মীৎয়েং মখাদা হৌদোকখিবা ন্যু ইদুকেসন পোলিসি ২০২০ গী মখাদা গ্ৰান্ট-ইন-এইদ ফংলদুনা মপূঙ ফানা থবক-থৌরমশিং চল্লাইদুনা লৈরবা স্কুল অসীগী ফীভম ফগৎহন্ননবা অনৌবা লৈঙাক অসীনা কন্না হোৎনরক্লি হায়না এম এল এ অসীনা থৌরমদুদা ফোঙদোকখি।
