ভোটরশিংনা কেন্দিদেটশিংগী এসেট খূদীংমক ঊৎলু হায়নবগী এবসোলুট রাইট অমত্তা লৈতে : সুপ্রিম কোর্ট

মীখলদা লম্বা থেংনগদৌরিবা মীরেপশিংগী প্রাইভেসি অমত্তা য়েংদনা মখোয়গী লন্নাই ওইনা লৈজরিবা মুবেবল এসেটশিংগী অকূপ্পা ৱারোল খূদিংমক অমত্তা চীত্থদনা মরী লৈনবশিংদা, মীয়ামদা লাউথোক্তুনা খঙহনগদবনি হায়না ভোটরশিংনা ক্লেইম তৌরুনবগী এবসোলুট রাইট লৈতে হায়না লৈবাক অসিগী খ্বাইদগী মকোকথোংবা ৱায়েল লোয়শঙ অমা ওইরিবা সুপ্রিম কোর্টনা ফোঙদোরকখ্রে। কেন্দিদেট অদুগী লন্নাই ওইনা লৈজরিবা, মীখল অমসুং মীরেপ অমা ওইবগা থোইনা মরী লৈনদবশিং অদুদা কনামত্তনা খূৎ থিংজিন্ননবা রাইট লৈতে হায়না টোপ কোর্ট অসিনা ফোঙদোকখি। মীরেপ অদুনা মহাক্কী কেন্দিদেচর অমসুং মীখল অদুগা মরী লৈনবা মহাক্কী এসেট অদুখক্তমক লাউথোকফম থোকই। মরী লৈনদবশিং লাউথোক্তুনা ফোঙদোক্লুবগী থোইদোকপা মথৌ তাদে হায়খি।

এপেক্স কোর্ট অসিগী জষ্টিস অনিরুধা বোস অমসুং জষ্টিস পি টি সঞ্জয় কুমারগী বেঞ্চ অমনা মশী ফোঙদোক্লদুনা হায়, পব্লিক ওফিস অদুগীদমক মীরেপ অদুনা মহাক্কী কেন্দিদেচর অদুগা মরী লৈনদবা এসেট ফোঙদোকপগী মথৌ তাদে। মদূ মহাক্না প্রাইভেসি ওইনা থমজনবগী রাইট লৈজৈ । মহাক্না মশাগী লৈজরিবা, মফম অমদগী অতোপ্পা মফম অমদা থাংদোক থাংজিন তৌদুনা পুথোক পুশিন তৌবা য়াবা প্রোপর্টিশিং হায়বদি ফি-রোল, খোঙুপ, ক্রোকরি, ষ্টেসন্নররি, ফর্নিচরনচিংবা আইটেম খূদীংমক লোইনা লাউথোক্তুনা ফোঙদোক্কদবনি হায়বা নিয়ম নিতি করিসু লৈতে। অসিগুম্বা আইটেম কয়ামুক কা হেন্না য়াম্মনখিদুনা মদুনা মহাক্কী মীরেপ মীখল অদুদা রিফ্লেক্ট তৌফম থোকলবা মতাংদু নত্রবদি থোইনা মথৌ তাদে হায়রি।

কুমশিং ২০১৯ দা পাঙথোকখিবা আরুনাচল প্রদেসকি এসেমব্লি মীখলদা টেজু এসেমব্লি সিট্টগী মায় পাক্লক্তুনা এম এল এ ওইখ্রবা কারিখো ক্রিনা মায় পাকখিবগী থৌওং অদু মশাগী লৈজবা লন-থুম ময়েক শেংনা ফোঙদোকখিদে, মহাক মতমদুদা লৈঙাক্কি একোমোদেসন মখাদা লৈখিবনি, মদুগী ঈশিং, মৈ, অমসুং ঈলেক্ট্রিটিক্কি চার্জ ক্লিয়ার তৌরে হায়বগী মতাংদা মরী লৈনবা কম্পিটেন্ত অথোরিটিনা পীবা নো দ্যু সার্টিফিকেৎসু মহাক্না সবমিট তৌখিদে  অদুগা মদু মহাক্না তানথোকখিবসু লৈতে হায়না কংগ্রেস পার্টিগী মায়থীহৌরবা মীরেপ অমনা থাঙ্গৎলকপা কমপ্লেন্ট অমা রিজেক্ট তৌরদুনা সুপ্রিম কোর্টনা ওবজর্বেসন অসি পীখিবনি।