এন পি সি আই লিমিতেদ (এন বি এস এল) না ৱার্ল্ড কপ ৱিন্নর ওইনা লৈরবা, ইন্দিয়ান ক্রিকেট টিমগী কেপ্তেন মাহেন্দ্র সিংহ ধোনিবু মসীগী ভীম পেমেন্টস এপ্প কি ব্রান্দ এম্বেসেদর ওইনা লাউথোরকখ্রে।পার্টনর্সিপ অসীনা মীয়ামগী অহেনবা থাজবগা লোয়ননা মান্নবা মমীং অনীনা পূন্সীল্লগা শাগৎলকপা অনৌবা চাওখৎপগী অচৌবা অহোংবা অমা লাকহনবা ঙম্লগনি হায়রি।
কন্সিষ্টেন্সি অমদি দিপেন্দেবিলিটি হায়বসিদা থবক পায়খৎলগনি হায়বা অচৌবা পান্দমদা চঙশীল্লি।ইন্দিয়াগী দিজিটেল পেমেন্টগী খোঙচত্তা হৌখিবা চহী তরা চূপ্না চঙশীল্লক্লিবা ভীমগী ওইনা হন্দক পূন্সীল্লকপগী থৌওং অসী স্কেল, ইনক্লুজন, অমদি লোং-টার্ম য়ুজর কনফিদেন্স হায়বসিদা অচৌবা মীৎয়েং থম্লি। পূন্সীন্দুনা থবক পায়খৎলক্নবা থৌরাং অসীনা অপূনবা পান্দম অমসুং খোঙচৎকি নেস্নেল এলাইনমেন্ট অমগী মমি তারক্লি।
ভীম পেমেন্টস এপ্প না এন পি সি আই অসী মপূঙফানা পাক-চাউরবা ইনফ্রাষ্ট্রকচরদা মীৎয়েং থম্লগা শেমগৎপা,সেক্যুর ওইবা দিজিটেল পেমেন্ট শিং মীয়ামদা পাক-সন্না ফংহল্লগনি।এম এস ধোনি অসী কম্পোজর, দিস্সিপ্লিনগী খূদম অমনি ।
মহাক অপীকপা সহর অমদগী হৌরক্লবসু জাতি অসীগী তাঙলবা লুচিংবা অমা ওইবা ঙম্লে।ভীমসু মাঙজীল থারিবা,মীয়াম্নসু পাক-সন্না শীজীন্নরিবা পেমেন্ট ইন্টরফেস অমনি।মসীগী মতাঙদা ৱা ঙাঙবদা এন বি এস এলগী এম দি অমসুং সী ই ও ললিতা নটরাজনা হায়,এম এস ধোনিনা ভীম পেমেন্টস এপ্প কি ব্রান্দ এম্বেসেদর ওইরকপদা চাউথোকচৈ। ইন্দিয়াগী মীয়াম্না এপ্প অসীদা হেন্না পাম্নবা অমসুং থাজবা হেঙ্গৎলগনি।
ধোনিসু থৌরমদুদা শরুক য়ারদুনা হায়, ভীম এপ্পকি লৌথুপ-লৌকোই লৈতবা দিজিটেল পেমেন্ট অসী লেমজনিঙায়নি। লৈবাক অসীগী মীয়াম্না মসীগী অহেনবা কান্নবশিংদু অরায়বা মওংদা ফংবা ঙম্লগনি।লৈবাক অসীনা অচৌবা দিজিটেল এদোপ্সন্দা চঙশীল্লকপগা লোয়ননা য়ুজরশিংনা ট্রাঞ্জেক্সন তৌবদা হেন্না থাজবা থম্ননবা অমসুং নুঙাইহন্ননবা হোৎনবা মথৌ তাই হায়খি।
