December 23, 2024
সি এম্না থমখি।

মনিপুর পুলিস অমসুং ইন্দিয়া রিজার্ব বট্টালিয়নগী ফোর্স লিশিং অহুম হেন্না চীঙখোঙ চীঙয়াদা লৈরিবা মৈতৈ খুলশিংদা চাইথোক্তুনা, ঙাক শেলহন্দুনা থমখ্রে। মরম অদুনা খুল ঙাক্লিবা ভিল্লেজ ভলন্টিয়ার ফোর্সশিংনা মনিপুর পুলিস অমসুং ইন্দিয়া রিজার্ব  বট্টালিয়নগী ফোর্স পার্সনলশিং অসি য়াওদনা খুল ঙাকপিগনু হায়না চিফ মিনিষ্টর নোংথোম্বম বিরেন্না ফোঙদোকখ্রে।

হন্দক নিংথৌখোং খা খূনৌগী খুঞ্জা মঙা কুকি মিলিটেন্টশিংনা এটেক তৌদুনা হাৎখিবা থৌদোক্তুদা লৈখিদ্রবশিংগি ঈমূংশিংদা চত্তুনা য়েংশিনখিবা অমদা চিফ মিনিষ্টরনা মীয়ামদা ৱাফম অসি ফোঙদোকখিবনি। মরাল লৈজদবা মীচম হাৎপশিং অকনবা মাওংদা চৈরাক পীগনি হায়না থাজবা পীখিবগা লোয়ননা চীঙখোঙ চীঙয়াদা নিংথিনা ট্রেন তৌরবা মনিপুর পুলিস অমসুং আই আর বি পার্সনলশিং থম্লিবসি মীয়ামগী পুন্সি অমসুং লন-থুম ঙাকপা ঙম্নবগীদমক্তনি হায়খি।

খুঞ্জাশিংনা লৌ উনবগীদমক লৌবূক্তা চৎপা মতমদা মাঙজৌননা ষ্টেট ফোর্সতা পাউ পীরগা ঙাক শেলহনবা অদুগুম্না  চীঙয়াশিংদা ইংখোল কোইবদা ষ্টেট পুলিস কম্মান্দোশিংদা মাঙজৌননা পাউ পীবিরবা মতূংদা ঙাক শেলহনবিয়ু হায়না সি এম্না থমখি।

Leave a Reply

Discover more from News Manipur

Subscribe now to keep reading and get access to the full archive.

Continue reading