উত্তরখন্দগি চিফ মীনিষ্টর পুস্কার সিংহ ধামিনা প্রাইম মিনিষ্টর উনদুনা চাওখৎ থৌরাং পায়খৎপদা মপূংফানা মতেং পাংবিনবা তকশীনখ্রে

উত্তরখন্দ গী চিফ মিনিষ্টর পুস্কার সিংহ ধামীনা ঙরাং ন্যু দিল্লিদা প্রাইম মিনিষ্টর নরেন্দ্র মোদিগা উনদুনা অহুম্লক শুবা টার্মগী প্রাইম মিনিষ্টর ওইনা ৱাশক লৌরকখিবা মতূংদা লৈবাক অসীবু মালেমগী খ্বাইদগী চাওখৎলবা ইকোনোমি অমা ওইহন্নবা পায়খৎলক্লিবা অসিগীদমক অপেনবা ফোঙদোকখ্রে। ধামিনা মাহাসু টেম্পলগী রেপ্লিকা অমসু প্রাইম মিনিষ্টরদা খূদোল তমখি।
ষ্টেট অদুদা পায়খৎলক্লিবা তোঙান তোঙানবা চাওখৎ-থৌরাংগী প্রোজেক্টশিংগা মরী লৈননা থেংনরিবা শীংনবা কয়াগী মতাংদা প্রাইম মিনিষ্টরদা পাউদমখি। উত্তরখন্দগী গ্ৰোস দোমেষ্টিক প্রদক্ট (জি দি পি) হেঙ্গৎহনবদা পৱার অমসুং হায়দ্রো-ইলেক্ট্রিক প্রোজেক্ট না অচৌবা ফেক্তর অমা ওইরি হায়না ধামীনা ফোঙদোকখিবগা লোয়ননা চহী খূদিংগী উত্তরখন্দ ষ্টেট না ওপন মার্কেত্তগী লূপা ক্রোর ১,০০০ রোমগী ইনর্জি লৈদুনা অৱাবা মায়োক্নবগী ফীভমদা লৈরি হায়না প্রাইম মিনিষ্টরদা ফোঙদোকখি।
অলাকনন্দ, ভাগিরাথী তুরেল অমসুং মদুগী ট্রিব্যুতরিশিংদা পায়খৎকদবা হায়দ্রোইলেক্ট্রিক প্রোজেক্ট ২৪গী মতাংদা সুপ্রিম কোর্ট না পীবা ইন্সট্রক্সন মখাদা শেমখিবা এক্সপর্ট কম্মিটিগী ফাইনেল রিপোর্ট অমসু প্রাইম মিনিষ্টর নরেন্দ্র মোদী না রিভ্যু তৌবিনবা ধামীনা হায়জখি।