য়ুনিভর্সেল হ্যুমেন রাইটস ডেগী থৌরম পাক-সন্না পাঙথোক্নখ্রে

চহী খূদিংগী দিসেম্বর ১০ অসী মালেমগী লৈবাকশিং শীন্থুংনা ইন্টর্নেস্নেল হ্যুমেন রাইটস ডে পালন তৌনবগুম মনিপুরদসু তোঙান তোঙানবা রাইটস গ্ৰুপশিং অমসুং অতৈ সিভিল সোসাইটি ওরগনাইজেসনশিংনা শীন্দুনা মফম কয়াদা মালেমগী মীওইবগী হক কনবা নূমিৎ পাঙথোক্নখ্রে।

মসীগী শরুক অমা ওইনা নাউরিয়া পাখঙলাকপা কেন্দ্রগী হান্নগী এম এল এ রাজকুমার আনন্দ গী মীৎয়েং মখাদা ক্বাকৈথেল অখাম লৈকায়দা য়ুনিভর্সেল হ্যুমেন রাইটস ডে-২০২৪ গী থৌরম পাঙথোকখ্রে। কোর্দিনেটিং কম্মিটি, নাউরিয়া পাখঙলাকপা কেন্দ্রনা শীন্দূনা রাইটস রেস্পোন্সিবিলিটিজ ইন হিষ্টরি হায়বা থিম মখাদা আর কে আনন্দ গী ক্বাকৈথেল অখাম লৈকায়দা লৈবা য়ূমদা থৌরম অদূ পাঙথোকখিবনি।

অয়ূক্কি পূং ১০.৩০ তাবদগী চত্থবা হৌখিবা থৌরম অদূদা মীওইবগী হক কনবা অমসুং মশীগা মরী লৈনবা হীরম কয়াদা অখঙ- অহৈ কয়ানা ৱা ঙাঙখি।