য়ুনাইটেদ কিংদমগী স্কুল পূম্নমক্তা মহৈরোয়শিংনা মোবাইল ফোন শীজিন্নবগী থৌওংশিং খূদক্তগী থিংনবা অথোরিটিনা ৱারেপ লৌখ্রে

এজেন্সিগী পাউ অমগী মতূং ইন্না য়ুনাইটেদ কিংদমদা লৈরিবা মহৈরোয়শিংনা মশাগী মহৈ-মশিন তম্বদা হেন্না পূক্নিং চঙনবা অমসুং অপন- অরাক অমত্তা য়াওদনা একাদেমিক সেসন নীংথিজনা চত্থবা ঙমহন্নবা পান্দমদা য়ুনাইটেদ কিংদমগী স্কুল পূম্নমক্তা মহৈরোয়শিংনা মোবাইল ফোন শীজিন্নবগী থৌওংশিং খূদক্তগী থিংজিন্ননবা  ৱারেপ অথোরিটিনা লৌখ্রে।

ক্লাসরুমশিংদা মোবাইল ফোন শীজিন্নবগী থৌওংশিং লেপহন্দুনা, ওজাশিংনা তাকপী-তম্বিবগী থবক চত্থরিঙৈদা মোবাইল ফোন শীজিন্নদুনা লৈবদগী লাইরিক-লাইশুদা পূক্নিং চঙদবগী থৌওংশিং থেংনরি। মসিনা খুন্নাইদা মাঙজনবগী অচৌবা মরম অমসু ওইরকপনা অনৌবা থৌরাং অসী লৈঙাক্না লৌখৎলকপনি হায়রি।

লৈঙাক্কি ইদুকেসন সেক্রেটরিনা থাদোরকখিবা চেরোল অমগী মতূং ইন্না, স্কুল হায়বসি নৌরিবা অঙাঙশিংগীদি শেংলবা মফম অমনি। মফম অসীদগী লৌশিং তান্সিনখিবদুনা মখোয়গী তুংলমচৎ লেপকদৌরিবনি। মোবাইল ফোন হায়বসিগী মেরিট অমসুং দি – মেরিট মুন্না মশক খঙদ্রিবা মহৈরোয়শিংনা স্কুলশিংদা অসীগুম্বা য়াম্না এদ্দিক্সন লৈগনবা পোৎশক অসী শীজীন্নরকপনা মাঙজবা কয়া থোকহল্লক্কনি হায়খি।