য়ুনিয়ন মিনিষ্টর মিনাক্সি লেখিনা মনিপুরগী ফোল্কলোরগী মরমদা ইবা লাইরিক ফোঙখ্রে

নেসনেল গেল্লরি ওফ মোদর্ন আর্ট ন্যু দিল্লীনা পেঙ্গুইন অমসুং ঈমাশী ফাউন্দেসনগা খূৎশম্নরগা এল সোমি রোই অমসুং দাক্তর থাংজম হিন্দুষ্টানি দেবীনা ইবা ফিদর্স, ফুল্স এন্দ ফার্টস হায়না মিংথোনবা লাইরিক অনী ফোঙদোকখ্রে।
লাইরিকশিং অদু য়ুনিয়ন মিনিষ্টর মিনাক্সি লেখীনা ফোঙদোকখিবনি। ইন্দিয়া গেট তা লৈবা জয়পুর হাওসকি অনীশুবা মথোলদা লৈবা এন জি এম এ লাইব্রেরি হোলদা ফোঙখিবা লাইরিক অদুগী মতাংদা শক্নায়রবা পার্সনেলিটি কয়ানা ৱাফম কয়ামরূম ফোঙদোক্নখি।
লাইরিক অসিদা মনিপুরগী ফুঙ্গা ৱারী কয়াসু য়াওবগা লোয়ননা মপাল মরূ য়াওবা লমদম অসিগী কলচরগী মরমদসু মীয়াম্না খঙনবা হোৎনবদা লাইরিক অসিনা অচৌবা মতেং অমা ওইরগনি হায়খি। কলচর এন্দ এক্সটর্নেল এফিয়র্সকি ষ্টেট মিনিষ্টর মিনাক্সি লেখীনা লাইরিক অদু পাখিবগা লোয়ননা নৈন- ৱারোলশিং ফোঙদোকখি।
অতম লেম্প-মেরা ৱায়ূংবা হায়না মিংথোনবা মৈতৈ অমসুং তাঙ্খুলগী মরক্তা মচিন মনাও ওইবগী মরী ঊৎপা লাইরিক অমসু মিনাক্সি লেখীনা পাখ্রে হায়না ফোঙদোরক্লি। দা.সোমিনা হায়, এনজিএমএনা মনিপুরগী ফুঙ্গা ৱারী কয়াসু য়াওবা লাইরিক ফোঙদোকপা থৌরম অদু মহাক্কী ওইনদি খ্বাইদগী নুংঙাইবা মীকূপ অমনি লোয়ননা ম্যুজিয়ম অদুদা পাঙথোকপা অহানবা লাইরিক ফোঙদোকপগী প্রোগ্রাম অমনি হায়খি।