হন্দক ট্রিপুরাদা থোক্লিবা অকিবা ফংলবা ঈশীং ঈচাও অসীদা লৈখিদ্রবশিংগী নক্নবা ঈমূংগী মরী-মতা খূদিংমক্তা লূপা ক্রোর অমমম পীগদবনি হায়না ওল ইন্দিয়া কিশান সভা (এ আই কে এস) না দিমান্দ তৌরি। ঈচাওনা অমাঙ- অতা থোকহল্লিবা মফমশিংদা চৎলিবা আগষ্ট কি ২৯ অমসুং ৩০ দা সভা অসীগী মেম্বরশিংনা কোয়না চত্তুনা ফীভম য়েংশিল্লগনি হায়নসু ফোঙদোকখ্রে।
অমাঙ- অতাশিং অদু য়েংশিন্দুনা চপ চানা শেনফম কয়ামুক্কি ভেল্যু মাঙখ্রবগে হায়বদু এসেস তৌনবগীদমক কিসান সভা অসিগী আইস প্রসিদেন্ট অমসুং লোক সভাগী এম পি অমরা রাম, সেক্রেটরি পি ক্রিষ্ণপ্রসাদনা লুচিংবা টিম অমনা অমাঙ- অতাশিং অদু য়েংশিনবা হৌখ্রে। মহৌশা অমূক্তা থোকখিদ্রিবা মওংদা ট্রিপুরাদা চৎলিবা থা অসিগী ১৯ দগী ২৩ ফাওবদা অকনবা নোং লেপ্তনা হৈথরকপদগী পাক-সন্না ঈচাওগী অৱাবা, খুদোংচাদবা কয়া মায়োক্নরগা লৈবগী মথক্তা মীওই কয়ামরুমসু ঈচাও অসিদা লৈখিদ্রবনি।
হৌজিকফাওবদা ষ্টেট অসিদা মীওই ৩১ লৈখিদ্রবনি অদুগা মীওই কয়াসু থিবা খঙদনা লৈরি। লৈখিদ্রবশিংগী ঈমূং-মনূংগী মীওশিংনা মায়োক্নরিবা অৱাবা খুদোংচাদবা কয়া অদুদা কিসান সভাগী মায়কৈদগী সোলিদারিটি ঊৎখি।
