য়ু.এস.দি. বিলিয়ন ২+গী গ্লোবেল এন্তর্প্রাইস কোংগ্লোমরেৎ, ত্রিদেন্ত গ্রুপনা মাগী ফ্লেগশিপ রিক্রুৎমেন্ত অমসুং ত্রেনিং প্রোগ্রাম, ‘তক্ষশাশিলা’ লোঞ্চ তৌরে হায়না লাউথোকখ্রে। মসিগী অনৌবা ইনিসিএতিব অসিনা এমপ্লোইমেন্ত অমসুং স্কিল দিবেলপমেন্তদা মীৎয়েং থমদুনা ভারতকী খুঙ্গং অমসুং সেমি-অর্বানদগী এন্ত্রী-লেবেল এমপ্লোয়ী ২০০০ রিক্রুৎ অমসুং ত্রেন তৌনবা পান্দম থম্মি।
তক্ষশাশিলা প্রোগ্রামনা আই.তি.আই., দিপ্লোমা, অমসুং ১০+২ এজুকেসন য়াওনা তোঙান-তোঙানবা এজুকেস্নেল বেকগ্রাউন্দশিংদগী নহারোলগীদমক প্লেৎফোর্ম অমা পীরি। এজুকেস্নেল বেরিয়র্সশিং থুগাইদুনা তক্ষশাশিলানা লেপ্পা লৈতনা ফগৎলকপা অমসুং পর্সনেল দিবেলপমেন্তগী কলচর আমা য়োকখৎতুনা নহা ওইরিবা মীওইশিংনা শেল তানবা, তমশিনবা অমসুং চাউখৎনবগী থোংশিং হাংলি। ত্রেনিং মতুংদা তোলোপকী চাং অসি চহিদা লাখ ১২ ওইরি – মসিনা বেসিক এজুকেসন বেকগ্রাউন্দগা লোয়ননা পুন্সি মহিং অমসুং হিংনবগী খুদোংচাবা পীরি, মসি কোর্পোরেৎ ইন্দিয়াদা তোপ-তোপ্পা অমসুং অনৌবা মখল অমা ওইরি।
থৌরম অসিদা ৱা ঙাংলদুনা ত্রিদেন্ত গ্রুপকী ইমেরিতস চিয়রমেন, শ্রী রাজিন্দ্র গুপ্তানা হায়খি, “ঐখোয়গী ফ্লেগশিপ প্রোগ্রাম তক্ষশাশিলা লোঞ্চ তৌবগা লোয়ননা গ্রোথ অমসুং এম্পাৱরমেন্তগী অনৌবা পন্দুপ অমদা চংশিনবা অসিগা লোয়ননা ঙসি অসি মরু ওইবা থৌরম অমা ওইরি। প্রোগ্রাম অসিনা খুন্নাই চাউখৎহনবা, শেন্মিৎলোন ফগৎহনবা, দাইভর্সিতী, ইনক্লুজন অমসুং জাতি শেমগৎপা অসিদা য়ুম্ফম ওইরগা অখন্ননা দিজাইন তৌখি। মসিদা নুপীশিং (রিজর্ব সিৎকী ৫০%গা লোয়ননা), খুঙ্গং, অমসুং শেল-থুমগী ফীভম শোত্থবা ইমুংশিং, দিফেন্স সর্ভিস ভেতরেনশিং অমসুং নেস্নেল লেবেল স্পোর্ত প্লেয়রশিংদা অখন্ননবা খুদোংচাবা পীরি।
“তক্ষশাশিলা অসিদা মীপুম খুদিংমক্তা মখোয়গী হোরিজনশিং পাকথোক-চাউথোকহন্দুনা অমসুং চাউখৎপদা তশেংবা মপাংশিং ওইনবা ফম্পাক অমা পীদুনা ‘ওপুরচুনিতীজ অনলিমিতেদ’ হায়বা ঐখোয়গী ফিলোসোফী য়াওরি। পুন্না চাউখৎমিন্নবগী ৱাখল্লোন্দা মীপুম খুদিংমক্না তমশিনবা এনভাইর্নমেন্ত অমা য়োকখৎনবা ঐখোয়গী লেংদ্রবা ফিরেপকী খুদম ওইরি। ঐখোয়না য়াম্না হরাও তয়াম্বগা লোয়ননা তক্ষশাশিলা ২০২৪ লোঞ্চ তৌজরি”, হায়না মহাক্না মখা তাখি।
মসি হৌদোকখিবদগী হৌনা তক্ষশাশিলা ইনিসিএতিবনা অৱাবা ইমুংগী মীওই ২০,০০০ হেন্না মায়পাক্না ত্রেন তৌখ্রে অমসুং থবক পীখ্রে। পার্তিসিপেন্তশিংনা স্ত্রকচর ক্লাসরুম ত্রেনিং, হেন্দ-ওন এক্সপরিয়েন্স, মেন্তরশিপ, অমসুং লেপ্পা লৈতনা অপস্কিলিং তৌরি, মসিনা মখোয়বু মখোয়গী কেরিয়রশিংদা মীথোই মীহেনবা ওইনবা নীংথিংনা মখোঙ শোম্বীরি। লৈবাক অসিদা অমসুং মালেমগী ওইনা এলুমনি অয়াম্বনা অচৌবা লুচিংবশিং, ওন্তপ্রিনোরশিং, সিভিল সর্বেন্তশিং, একাদেমিকশিং অমসুং বিজিনেস প্রোফেস্নেলশিং ওইখ্রে। তক্ষশাশিলা ২০২৪গী থবক লৌবগী দ্রিআব অসিনা পাক চাউবা দিজিতেল মেদিয়া কেম্পেন, কেম্পস এঙ্গেজমেন্তশিং অমসুং রুরেল আউৎরীচ প্রোগ্রামগী খুত্থাংদা এপ্লিকেন্ত ৫০,০০০দা য়ৌশিন্নবা পান্দম থম্মি।
