চৎলিবা থা অসীগী ২১ গী অয়ূক পূং ১১ খরা হেল্লকপা মতমদা মনিপুরগী তোঙান তোঙানবা মফমশিংদা মায়কৈ নাইনা শীৎখিবা অকনবা নোংলৈ- নুংশিৎনা ইম্ফাল ইষ্ট অমসুং থৌবাল দিষ্ট্রিক্ট কি মফম কয়াদা লৈবা য়ূম- কৈ, ইংখোলগী মনা- মশীং, য়েঞ্জাং-নাপী কয়া অমাঙবা থোকহনখ্রে।
পাৎলৌদা লৈবা য়ূম অমা অকনবা নোং পুরকপা নুংশিৎনা য়ুমথক কূপ্লিবা জিঙ্খ লোয়নমক হুমদোকখিবদগী লৈফম লৈতবগী খুদোংচাদবা কয়া মায়োক্নখ্রে। থৌবাল দিষ্ট্রিক্ট কি ওইনা কাইরেনবিখোক, ৱাংজিং এস কে লৈকায়, শোরোকখাইবম লৈকায়দা লৈবা ঈমূং খরসু অকনবা নোংলৈ- নুংশিৎ অদুনা য়ূমশিং হুমদোকখি।
মনিপুরগী অতৈ মফমশিংদগীদি অসীগুম্বা অমাঙ- অতা কা-হেন্না থোকখিবগী পাউ ফংবা লৈখিদ্রবসু অকনবা নোংদি পাক-সন্না তাখি হায়রি। হৌখিবা নুমিৎ মরিনিরোমগী মতম অসীদা মনিপুরদা খাঙবা ৱারবা মওংদা অশাবা ফীভম মীয়াম্না থেংনদুনা লৈরকখ্রবা মতূংদা অকনবা নোংলৈ- নুংশিৎ অদূ মায়োক্নখিবনি।
