থংন-থংননা অনিশুবা টার্ম গী লোক সভাগী স্পিকর ওইনা ওম বিরলাবু খনখ্রে

এন দি এ গী কেন্দিদেট ওম বিরলানা থংন-থংননা অনীরকশুবা টার্মদসু লোক সভাগী স্পিকর ওইবা ঙমখ্রে। ইন্দিয়া ব্লোককি কেন্দিদেট ওইখিবা কে সুরেসপু ভোইস ভোত্তা বিরলানা মায়থীবা পীরমখিবনি।
ঙরাং লোক সভাদা মহাকপু স্পিকর ওইনা খনখিবগা লোয়ননা প্রাইম মিনিষ্টর নরেন্দ্র মোদি, কংগ্রেস লুচিংবা রাহুল গান্ধী, পারলিয়ামেন্টরি এফ্যের্স মিনিষ্টর কিরেন রিজিজুনা এস্কোর্ট তৌরদুনা মহাকপু স্পিকরগী ফমফমদা থিন্দোরকখি। মহাক্না থংন-থংননা অনীরক শুবা ওইনা লোক সভাগী স্পিকর ওইরকপদা পি এম মোদী, রাহুল গান্ধী অনীনা হরাও তয়াম্বা ফোঙদোকখি। লোক সভাদা বিজেপিগী এম পি ওইনা অহুম্লক মায় পাক্লকখ্রবা ওম বিরলানা মহাক্কি স্পিকরগী ফমফমদা মোমোন তৌদুনা ফম্বা অদু অতৈ এম পি শিংনা নুঙাইজবগী মীনোক্কা লোয়ননা য়েংনখি।
মহাকপু স্পিকরগী ফমফম্লাংদা পুরক্ট্রিঙৈ মাঙওইননা প্রাইম মিনিষ্টর নরেন্দ্র মোদি অমসুং কংগ্রেস লিদর রাহুল গান্ধী অনিনা হরাও তরাম্না কৌনখিবগা লোয়ননা খূৎ শোক্নখি। অনীরকশুবা ওইনা স্পিকর অমা ওইবগী য়াম্না চাউনা পারলিয়ামেন্ট কি দাইত্য পুগদৌরিবা অদুগীদমক মহাক নুঙাইবা অমসুং চাউথোকচবা ফাওই হায়না পি এম মোদিনা বিরলাবু থাগৎপা ফোঙদোকখি।
বিরলানা মশাগী মমাঙগী এক্সপিরিয়েন্স কয়াদুগা লোয়ননা মখা তাবা চহী মঙাগি টার্ম অসীদসু লৈবাক অসীগী কন্সটিট্যুসনগী মখাদা এম পিশিংবু লমজীংবিয়ু হায়না মোদিনা ফোঙদোকখি।