হৌখিবা লৈবাকপোকপা নুমিত্তা বিহার এসেমব্লিদা এমেন্দমেন্ট বিল অহুম খন্নরগা পাস তৌননবা পুথোরকপদা ওপ্পোজিসনগী মেম্বরশিংনা য়ানিংদবা ফোঙদোক্তুনা ৱাল্কআউট তৌদুনা হাওসতগী মপান্দা থোকখ্রে। ওপ্পোজিসনগী মেম্বরশিং য়াওদবা মরম্না পোলিটিকেল দিবেটনচিংবা অমত্তা চত্থদনা রুলিংগী মেম্বরশিংনা ভোইস ভোৎতা এমেন্দমেন্ট বিল অহুম অদু য়েৎনবা য়াওদনা পাস তৌখ্রে।
রুলিং দিস্পেন্সেসন্না মুভ তৌদুনা পাস তৌখিবা বিল অহুম অদুদি বিহার ষ্টেট য়ুনিভর্সিটি সর্ভিস কম্মিসন (এমেন্দমেন্ট) বিল, ২০২৪; বিহার স্কুল এগজামিনেসন বোর্দ ( এমেন্দ মেন্ট) বিল, ২০২৪ অমসুং বিহার ম্যুনিসিপালিটি (এমেন্দমেন্ট) বিল, ২০২৪ হায়রিবশিং অসিনি। বিহার ষ্টেট য়ুনিভর্সিটি সর্ভিস কম্মিসন ( এমেন্দমেন্ট) বিল ২০২৪ অসিনা ষ্টেটনা চল্লাইরিবা হয়ার ইদুকেসনশিংগী ওইনা তোঙান তোঙানবা ওজাশিং ষ্টেট য়ুনিভর্সিটি সর্ভিস কম্মিসন না রিক্রুট তৌনবগী মতাংদনি। হৌজিকমক্কি ওইনদি কম্মিসন অসীগী মখাদা লৈরিবা য়ুনিভর্সিটি অমসুং কন্সটিট্যুয়েন্ট কল্লেজশিংখক্ত গী ওজাশিং এপ্পোইন্ট তৌরিবনি।হৌজিকনা বিল অসী পাস তৌরবা মতূংদা কম্মিসন অসিনা বিহার ষ্টেট কি মখাদা চল্লাইরিবা য়ুনিভর্সিটি অমসুং কল্লেজ পূম্নমক্কি মখল খূদীংমক্কি ওজাশিং এপ্পোইন্ট তৌরগনি।
কম্মিসন অসীগী কন্সটিট্যুয়েন্ট কল্লেজ লোইনমক ওন্থোরকপগী থাক্তা লাক্কদৌরিবনি।
অমরোমদনা, বিহার লৈঙাক্না ইন্টরমেদিয়েট ইদুকেসন গী থাক অসী কল্লেজশিংদগী মুত্থৎনবা খোঙথাং লৌখৎলকখিবদগী বিহার স্কুল এগজামিনেসন বোর্দ ( এমেন্দমেন্ট) বিল পাস তৌরক্তবা য়ারক্তবনি। অদুগা, ম্যুনিসিপালিটি গী কাউন্সিল্লরশিংনা ঙাইহাক লৈতনা নো-কনফিদেন্স মোসন থাঙ্গৎপগী থৌওং কয়ানা মসিগী ফঙ্কসনশিংদা অকায়বা কয়া থোকহল্লক্লিবশিংদগী ঙাকথোক্নবা বিহার ম্যুনিসিপালিটি (এমেন্দমেন্ট) বিল অসী পাস তৌরিবনি হায়রি।
