মুথুভল্লুর দুরগা ভগভটি মন্দিরনা হীন্দূ-মুস্লিম অনী নুংশিনবগী লেংদ্রবা সিম্বোল ওইনা লেপ্লি

কেরলাগী মল্লাপূরম দিষ্ট্রিক্ট মনুংদা লৈবা মুথুভল্লূর লমদমদা লৈরিবা দুরগা ভগভটি টেম্পলনা লিরবা মথায় থায়নগী মতমদগী ঙসীফাওবা হীন্দু অমসুং মুসলিম কাঙলুপ অনীগী নুংশি-চান্নবগী মরী হেন্না চেৎশীনহনবগী শক্তম তাকপগী মথক্তা লৈবাক অসিগী য়ুনিটি অমসুং ইন্টিগরিটিগী লেঙদ্রবা সিম্বোল অমা ওইনা লৈরি।

টেম্পল অসি মুস্লিম কাঙলুপনা নম্না খুন্দারিবা এরিয়াদা লৈজরবসু মতম কয়াগী মমাঙদগী ইতিহাসিক ওইরবা, ইন্দিয়াগী ট্রেদিসন, কলচর অমসুং স্কল্পচরগী সিম্বোল ওইরিবা টেম্পল অসীবু কাঙলুপ অনীমকনা চেকশীন্না ঙাক শেন্নদুনা অশোয়- অঙাম থোকহন্দনা লৈরক্লি। টেম্পল অসি রিনোভেসন তৌবগী থবক থৌরমশিংদা মুস্লিম কাঙলুপ অমসুং হীন্দু কাঙলূপকি মীওইশিংনা মখোয়গী লৈজবা শেল অমসুং অতৈ পোৎলমশিং, অরৈ-অরৈবা পুথোক্নদুনা মন্দির অসি হেন্না মপাঙ্গল কন্নবা অমসুং হেন্না মশক মতৌ ফজহন্ননবা শেমজীন-শাজিনবগী থবক চত্থমিন্নরগা ঙসিফাওবা লাক্লি।

মীওইবনা নুংশিনরবা, মতেং পাংনবগী থবক তৌরবদি লাইনিং লাইশোন তোঙানবগী অপীকপা অমসুং অখূবা মীৎয়েংগী চেকপলনা অথিংবা অমত্তা পীবা ঙমদে। নুংশিনবা, তেংবাংনবা, অৱাবা মতমদা অঙম্বা মতেং পীনবা হায়বসিনা অথোইবা ধর্ম্ম নি অদুগা কাঙলুপ ফূরূপ কয়ানা খুন্দামিন্নরগা লৈরিবা লৈবাক অসিগী অপূনবা শক্তম শাগৎপদা কাঙলুপ মশেল নুংশিনবা হায়বসিনা খ্বাইদগী মরূ ওইবা পাম্বৈনি হায়বদুসু দুরগা ভগভটি টেম্পল অসীনা মীয়ামদা খঙহল্লি।