ভাবোক ওইরোলাউ হায়দুনা সেন্ট্রেল সেক্যুরিটি ফোর্স কৌখিবা নত্তে, মীচম ঙাকনবা কৌবনি :বিরেন

মনিপুরগী হীংসাগী ঈরাং অসী লাকশীনবা ঙম্নবগীদমক্তা লমদম অসিদা সেন্ট্রেল সেক্যুরিটি ফোর্স পার্সনলশিং কৌশিনখিবনি, ষ্টেট পুলিস পার্সনলশিংনা থৱায় খূবাক্তা হাপ্তুনা মিলিটেন্টশিংগা লান্থেংনবদা ভাবোক ওইরোলাউ হায়দুনা মনিপুরদা মখোয়বু কৌবা নত্তে, মীচম মীয়ামগী পুন্সি কন্নবনি হায়না চিফ মিনিষ্টর নোংথোম্বম বিরেন্না ফোঙদোকখ্রে।
অহানবা এম আর বট্টালিয়নগী পেরেদ গ্ৰাউন্দদা পাঙথোকপা, মণিপুরনা মপুং ফারবা ষ্টেট অমা ওইখিবগী ৫২শুবা ষ্টেটহুদ দে থৌরমদা অথোইবা মীথূংলেন ওইনা পীখিবা মহাক্কী স্পিচ অমদা সি এম না ৱাফম অসী ফোঙদোকখিবনি। মিনিষ্টরশিং, এম এল এ শিং অমদি লৈঙাক্কী মকোকথোংবা ওফিসিয়েলশিং শরুক য়াদুনা পাঙথোকখিবা থৌরমদুদা মহাক্না হায়, মণিপুর না ইন্দিয়া দা তিনখিবা মতমদুদা ঐখোয়গী অপূনবা, অরেপ্পা ফিরেপ অমসুং ৱাখল্লোন চেকশিন্না থমদবগুম তৌখিবা লাইবক থীবনি।
মনিপুরগী হীংসাগী ঈরাং অসীনা মরম ওইদুনা ৱারবা মতমসিদা মতেং পাংলিবা অমসুং করি লৈবগে হংলরিবা মীওইশিংদু অশেংবা মরূপ অমনি। সেন্ট্রেল সেক্যুরিটি ফোর্স পার্সনলশিং অসিনা ঈরাং অসিদা লৌরিবা থৌদাং অসি পেন্নিঙাই ওইদ্রি হায়না সিএম্না ফোঙদোকখি।