থাঙ্গ হায় স্কুলগী মহৈরোয়শিংনা ওজা ট্রান্সফর তৌনবা হোৎনরকপা লৈঙাক্কি থৌওং য়ানিংদবা ঊত্তুনা প্রোটেষ্ট তৌখ্রে

হান্নদগী হৌনা ওজা মশীং কা হেন্না অৱাৎপা লৈদুনা মহৈরোয়শিংনা ওজা মশীং শুনা থাবিরক্ননবা মরী লৈনবা লৈঙাক্কি ওথোরিটিদা তকশীন্দুনা লৈরিঙৈ চৈরক্তা মনিপুর লৈঙাক্না থাঙ্গ হায় স্কুল অসিদগী নৌনা ওজা অহুম অতোপ্পা মফমদা ট্রান্সফর তৌননবা ওর্দর অমা থোক্লকপদা কন্না য়ানিংদবা ফোঙদোক্লদুনা স্কুল অসীগী মশীং য়াম্লবা মহৈরোয়শিংনা ঙরাং স্কুল অসীগী কমপ্লেক্স তা অকনবা খোল্লাউগা লোয়ননা প্রোটেষ্ট দিমোন্সট্রেসন চত্থখ্রে।

ষ্টেট লৈঙাক্কি মখাদা লৈরিবা ইদুকেসন লোয়শঙগী হায়র ওথোরিটিগী থৌওং অদু মথোঙ হুক্তবা অমনি হায়না মহৈরোয়শিংনা য়ানিংদবা ফোঙদোকখিবগা লোয়ননা চৎলিবা আগষ্ট থা অসীগী ৩০ ফাওবগী মনূংদা ওজা অহুমগী ট্রান্সফর ওর্দরশিং অদূ হন্দোক্কদবনি লোয়ননা হৌজিক ৱাৎলিবা ওজাশিং সু হায়রিবা নুমিৎ অসীফাওবগী মনূংদা থারক্কদবনি হায়বা অল্টিমেটমসু পীশিনখ্রে।

মহৈ-মশিন তম্বা হৌদুনা চহী তঙ্খাই চল্লক্লবা তাঞ্জাশিদা লৈঙাক্কি অঙম্বশিংনা ঙাইহাক ঙাইহাক্কি অনীংবা অপাম্বা অমসুং মশা-মশাগী ওইজবা খরা ফংহৌনবা হোৎনবা মানবা মওংদা সিল্লেবস কভর তৌবা ঙমহৌনবা হায়দুনা টিচিং-লার্নিংগী অকনবা প্রোসেস চত্থনরক্লিবা মতমসিদা ওজা ট্রান্সফর তৌগনি খল্লিবা মথোঙ হুক্তবা থৌশিল অসি খূদক্তা হন্দোক্কদবনি, স্কুল ফগৎহন্সি মিসন, ক্বালিটি ইদুকেসন গী ৱাফম ঙাইহাক লৈতনা ফোঙদোক্লিবা লৈঙাক অসিনা ওজা ট্রান্সফর তৌবদা থৱায় লূপ্তুনা লৈরগা মতৌ করম্না ওজা য়াওদনা ক্বালিটি ইদুকেসন পুরক্ক দৌরিবনো হায়না মহৈরোয়শিংনা পাউমীশিংগী খূত্থাঙদা ফোঙদোকখি।

চৎলিবা আগষ্ট থা অসীগী ৩০ ফাওবগী মনূংদা ওজাশিংগী ট্রান্সফর ওর্দরশিং হন্দোক্কদবনি, অৱাৎপা ওজা থাজিল্লক্কদবনি। মদূ নত্রবদি মথঙগী নুমিত্তগী মহৈরোয়শিংনা অহীং ফাওবা স্কুল অসীদা য়ারেক্তুনা খোঙজং চঙশীল্লগনি হায়খি।