টেক্লো ইন্দিয়া গ্রুপ অমসুং মঞ্চেষ্টর সিটি ফুটবোল ক্লবনা খুৎশম্ন দুনা ৱেষ্ট বেঙ্গলগী কোলকটা সিটিদা মঞ্চেষ্টর সিটি ফুটবোল স্কুল অমা শঙ্গাস্ত্রে হায়রি। মালেমদা শক্লাইরবা মঞ্চেষ্টর সিটি ফুটবোল ক্লবকী এল্লাইদ ব্রেন্নরশিংনা তাকপী তন্বীগদৌরিবা ফুটবোল স্কুল অসিনা ইন্দিয়াগী ফুটবোল শান্নরোয়শিংবু অনৌবা থাক্তা থাঙ্গৎপা উন্নগনি হায়রি।
স্কুল অসিনা লৈবাক অসিগী চহী ৩দগী ১৭ ফাওবগী মনুংদা লৈবা নহাশিংদা মঞ্চেষ্টর সিটি ফুটবোল ক্লবকী চৎন কাঙলোন মতুংইন্না ত্রেনিং রেজিম শেমদুনা তাকপী তন্বীগনি হায়রি। স্কুল অসিদা ফুটবোল ত্রেনিং চখনবা খল্লবা নহাশিং অদু য়ুনাইটেদ কিংদমদা লৈবা মঞ্চেষ্টর সিটিগী ফেসিলিটিদা ত্রেনিং চখবগী খুদোংচাবা পীগনি হায়রি।
টেক্লো ইন্দিয়া গ্রুপকী ওফিসল দেবদত রোইচৌধুরিনা মঞ্চেষ্টর সিটি ক্লবকা খুৎশমুদুনা লৈবাক অসিগী নহাশিংদা ফুটবোলবু অমুক হন্না মখোয়গী থম্মোয়দা লাৎচনবগী খুদোংচাবা পীবা ঙম্বসিদা নুংঙাইবা ফোঙদোক্লদুনা লৈবাক অসিদা লৈবা ফুটবোলবু পামজবা নহাশিংদা তাঙলবা তাঞ্জা অসি মাঙহনবীগনু হায়না পূক্লিং চিংশিল্পক্লি।
