ইম্ফাল ইষ্ট দিষ্ট্রিক্টকি খূরায় কেন্দ্রগী মনূংচন্না লৈরিবা খূরায় নান্দৈবম লৈকায় চাইথবি লৈরক্তা লৈবা সুরেস হুইদ্রোমগী য়ূমদা শকখঙদবশিংনা চৎলিবা থা অসীগী ১৯ অমসুং ২০ গী লোন্নবা অহীংদা নোংমৈ কাপশীন্দুনা অকি-অখঙ থোকহল্লম্বগী থৌওং অমবু কন্না য়ানিংদবা ফোঙদোক্তুনা মীয়াম্না সীট ঈন-প্রোটেষ্ট চত্থখ্রে।
খূরায় নান্দৈবম লৈকায় মৈরা পায়বী লূপকি সেক্রেটরি সলাম ওংবী মুক্তাবলিনা লুচিংদুনা অকনবা প্রোটেষ্ট অদূ চত্থখিবনি। খূৎলায় পায়রগা মীচমদা কিহন-খংহনবা য়ানীংদে, পায়রিবা খূৎলায় অদূ ঈ মশেলদা, মীচমদা ওনশীনবিগনু, মরম চাদনা মীচমদা কিহন-খংহনবা তৌবিগনু, মীচমদা গুন্দা তৌবিগনু, মীচমগী য়ূমদা চঙলগা কিহল্লম্বগী থৌওং অদুগী মতাঙদা মীয়ামদা শেংদোকপিয়ু, ঐখোয় মশেল মরক্তা য়েংথীনবগী মতৌ অসী খম থেংনা য়ানীংদে, পায়রিবা খূৎলায় য়েক্নবা, মীতোপ্তা শীজিন্ন বিয়ু হায়না থাবা প্লেকার্দ শিং পায়দুনা মৈরা পায়বী লূপকি ঈমাশিং অমসুং মীয়াম্না অকনবা খোঙজং অদূ চঙশীনখিবনি।
