সুপ্রিম কোর্ট তা লৈরিবা মনিপুরগী হীংশাগা মরী লৈনবা কেস পূম্নমক মচী লেঙদ্রি

মনিপুরদা থোক্লিবা হীংশাগী ঈরাং অসীগী মতাংদা লৌখৎখিবা কেস কয়ামরুম ঙসী-ঙসীমকসু লৈবাক অসীগী খ্বায়দগী অৱাংবা আইনগী লোয়শঙ ওইনা লৈরিবা সুপ্রিম কোর্টতা মচী লেঙদনা পন্থদুনা লৈরি। মমাঙ চহী ২০২৩ মক্তদা মনিপুরদা থোক্লিবা হীংশাগী ঈরাং অসীগা মরী লৈনবা কেসশিং অসীগী হ্যিয়ারিং ২৫ রক চত্থখি অদুগা চৎলিবা কুমশিং ২০২৪ অসীদনা হিয়ারিং মঙারক চত্থখ্রবনি হায়রি। অদূম ওইনমক শীঙথানিঙায় ওইবা ওর্দর অমত্তা পাস তৌবা লৈত্রি।

হীংশাগী ঈরাং অসীগী মতাংদা মীওই কয়ানা কেস থাঙ্গৎনরকপদগী সুপ্রিম কোর্টনা থবক্তগী পোত্থারবা জষ্টিস গীতা মিত্তলনা লুচিংবা, মীওই অহুম্না শাবা কম্মিটি অমা শেমখিবনি। কম্মিটি অদুনা ৩৭ লক হন্না সুপ্রিম কোর্টতা রিপোর্ট লানখৎখ্রবনি।

ভিক্তিমশিংগী হক কি মতাংদা ঙসীফাওবা জষ্টিস অমত্তা ফংহন্দনা লৈরি। সুপ্রিম কোর্ট তা পন্থদুনা লৈরিবা কেসশিং অসী অথূবা মতমদা লোইশিন্দুনা মরী লৈনবা মীয়ামদা জষ্টিস ফংহনবিননবা মায়কৈ কয়াদগী ফোঙদোক্নরক্লি।