ঊখ্রূল দিষ্ট্রিক্টকি লুংচোং মায়ফৈ পুলিশ ষ্টেসননা কোনবা ফাল্লি হীল রেঞ্জদা লম একর ৯০ দা পাক- সন্না থারম্বা পোপ্পি পাম্বীশিং সেক্যুরিটি ফোর্সকি খূৎপূ অমগা লোয়ননা ফোরেষ্ট দিপার্টমেন্টকি ওফিসিয়েলশিংনা য়ান্থত্তুনা মাঙহনখ্রে।
দ্রগ শুংবদা শীজিন্নরিবা পোপ্পি পাম্বীশিং অদু ঊখ্রূল দিষ্ট্রিক্ট পুলিশ, ১৮ শুবা আসাম রাইফলস, ফোরেষ্ট দিপার্টমেন্ট অমসুং মরী লৈনবা এগজিক্যুটিব মেজিষ্ট্রেট য়াওবা কম্বাইন টিম অমনা তুম্না য়ান্থত্তুনা মাঙহনখিবনি। মফম অদুদা লৈরম্বা লৌতাংশঙ ১২ শু কম্বাইন টিম অদুনা মৈ থাদোক্লমখি।
লুংচোং মায়ফৈ পুলিশ ষ্টেশননা থৌদোক অদূগা মরী লৈননা কেস অমা রেজিষ্টর তৌবগা লোয়ননা মখাতানা থিগৎপা হৌখ্রে।পোপ্পি পাম্বীশিং অদূ কনানা থাবনো হায়বনচিংবা থিগত্তুনা অরানবা থৌওং অসি চত্থবদা চেন্নরিবা মীওইশিং মশক খঙদোক্ল গা আইনগী মখাদা চৈরাক ফংহন্ননবা থবক পায়খৎকনি হায়রি।
