লৈবাক অসীগী ষ্টেট তরুক অমসুং য়ুনিয়ন টেরিটোরি অনীগী লোক সভাগী সিট ৫৮ দা তরুকশুবা তাঙ্কক্কী লোক সভা মীখল হৌখিবা থাংজা নুমিত্তা পাঙথোকখ্রে। অপূনবগী ওইনা য়েংবদা ভোট্টরশিংনা চাদা ৫৯ ফাওবগী চাংদা থোক্নরক্তুনা তরুকশুবা তাঙ্কক্কী মীখল অসিদা ভোৎ থাধখি হায়না ঈলেক্সন কম্মিসনগী ভোট্টর টর্ন আউট এপ্প তা ফোঙদোকখি।
হন্দক্কি অসিদসু মমাঙগী মতৌগুম ৱেষ্ট বেঙ্গলদনা খ্বায়দগী মশীং য়াম্না ভোট্টরশিং থোক্লক্তুনা মীখল দা শরুক য়াখিবগী রেকোর্দ থম্বা ঙমখি। ষ্টেট অসীদা চাদা ৮৩ ফাওবগী চাং য়ৌনা ইলেক্তোরেটশিং থোক্নরক্তুনা ভোৎ থাধনখি হায়রি। দিল্লিদা হন্দক্কি সিঙ্গল ফেজ মীখল অসিদা ভোট্টরশিংনা চাদা ৫৪.৩২,হরিয়ানাদনা চাদা ৫৮.০৬,ওরিষ্যাদা চাদা ৫৯.৭২,ঝরখন্দ দা চাদা ৬২.১৩ গী চাংদা ভোট্টরশিং থোক্লক্তুনা ভোৎ থাধনখি।
ৱেষ্ট বেঙ্গলদা লৈবা তোঙান তোঙানবা পোল্লিং সেন্টরশিংদা অমসুং অতোপ্পা মফমশিংদা হীংশাগী ঈরাং খরা থোকখি। মীখল পাঙথোকখিবা ৱেষ্ট বেঙ্গলগী লোক সভা সিট নিপানগী মফম খরদা ঈরাং থোকপগী পাউ লৈখি। হায়রিবা লোক সভা সিট নিপান অদু কুমশিং ২০১৯ দা পাঙথোকখিবা লোক সভা মীখলদদি বি জে পীনা সিট মঙাদা অদুগা ট্রিনামুল কংগ্রেস না সিট অহূমদা মায় পাকখিবনি।
