জোসেফ জামহৌ খোংশাইনা ইবা লাইরিক দাপা চা তে হায়না মিংথোনবা লাইরিক অসিদা মনিপুরগী পুৱারিবু লান্না লান্না লমজিংবা য়াবা ৱাফম কয়া য়াওবা মরম্না সিভ সেনা মনিপুর য়ুনিটকি প্রসিদেন্ট দা. মোইরাংথেম তোম্বিনা লুচিংবা মীওই কাংবূ অমনা লাইরিক অদূ মৈ থাদুনা মাঙহনখ্রে।অসিগুম্বা থৌওং মখা তানা চত্থবিদনবা মরী লৈনবশিংদা খঙহল্লক্লি। ইম্ফাল গী বাবুপারাদা লৈবা ফঙ্কসন অমদা লাইরিক অসী মৈ থাদুনা মাঙহনখিবনি। সিব সেনা মনিপুর য়ুনিটকি প্রসিদেন্ট দা. মোইরাংথেম তোম্বিনা মখা তানা হীরম অসীগা মরী লৈননা হায়, লাইরিক অসীদা মনিপুরগী পুৱারিবু লান্না লমজিংবা য়াবা ৱাফম কয়া য়াওবা মরম্না সিভ সেনা মনিপুর য়ুনিটকি থৌমীশিংনা মৈ থাদুনা মাঙহনখিবনি।
লাইরিক অসীদা কুকিশিংনা মনিপুরদা লাকখিবসি কুমশিং ৩০৪০ দা, য়াম্না ঙল্লিঙৈ মতমদা লাকখিবনি হায়না লান্না ইশিল্লি। মখোয়শি খোঙসাই নত্রগা খোংজাই হায়রগসু খঙনরি। চুরাচান্দপুর অসী মহারাজ সুরচন্দ্রনা মমীং থোল্লম্বনি হায়না লান্না ইশিল্লি। মহিরাজ চুরাচান্দনা পানবা মতমদা খুগা তম্পাক অসী মী তারমদে, তম্পাক অসী মী তারমদে, মী খুন্দাবা য়াননবা নিংথৌনা অয়াবা পীবীয়ু হায়না এলাং পায়তে কৌবা নূপা অমনা হায়জরকপদগী অহানবদা মীওই ১৮ মুক খুন্দাবা য়াননবা অয়াবা পীবদগী খুন্দাবা হৌরকখিবনি হায়না দা. তোম্বীনা ফোঙদোক্লদূনা,মদুদগী চুরাচান্দপুর হায়না লমদম অসীগী মমীং থোনখিবনি হায়খি ।
অসীগুম্বা অচূম্বা, অশেংবা পুৱারি অসীবু লান্না লমজীংবা য়াবা ৱাফম কয়া ইশিল্লকপা অসীনা মীয়াম্বু লান্না লমজিংবা য়াবা ফীভম লাকপদগী লাইরিক অদূ মৈ থাদুনা মাঙহনখিবনি হায়খি।
