ন্যুগ্লোব ইদুকেসন সার্বিসেস ইন্দিয়া এল এল পিনা মনিপুরদা ষ্টার ইদুকেসন প্রোগ্ৰাম মপূঙ ফানা পাঙথোকখিবগা লোয়ননা লমদম অসিগী অঙাঙশিংদা পীখিবা কম্মিটমেন্ট অদূ অমুক হন্না চেৎশীলহনখ্রে। প্রোগ্ৰাম অসী হৌখিবা কুমশিং ২০২১ গী সেপ্তেম্বর থাদগী সম্মগ্ৰা সিক্সা ইমপ্লিমেন্টেসন সোসাইটিগা খূৎশম্নদুনা পায়খৎখিবনি। কুমশিং ২০২২ গী জুলাই থাদা লোঞ্চ তৌখিবা প্রোগ্ৰাম অসীনা স্কুল ৫১১ দা লৈরিবা মহৈরোয় ৩৮,০০০ অমসুং ওজা ২,৮০৯ দা মসীগী কান্নবা ফংহনখ্রে। মনিপুরগী দিষ্ট্রিক্ট ১৬ তা পাক-সন্না চাইথোক্তুনা লৈরিবা স্কুলশিং অসীগী মহৈরোয়শিংদা মালেমগী থাক্তা লৈরিবা ইদুকেসন পীবা ঙমখি হায়রি। সূপ্নগী চয়োল ১৮ খক্তদা স্কুল ২৫৩ দা ষ্টার ইদুকেসন না ইবা-পাবা খঙহনবগী চাং চাদা ০.২২ ষ্টেন্দর্দ দেভিয়েসন ইমপ্রুভমেন্ট য়ৌবা ঙমখি।
ন্যুমরেসিগী চাংসু চাদা ০.৪৩ য়ৌহনবা ঙমখি।মসীগা লোয়ননা মালেমগী মকোকথোংবা ইদুকেসন ইন্টরভেন্সনশিংগী মনূঙদা অমা ওইবা ঙমখ্রে। প্রোগ্ৰাম অসীনা ইংলিস সবজেক্টতা চাদা ৮০, অদুগা মেথমেটিক্সতা চাদা ৯০ ফাওবা য়ৌহন্দুনা ইনকম নেম্বা অমসুং ময়ায় ওইবা চাংদা লৈরিবা মালেমগী লৈবাকশিংদা কান্নবা ফংহনখি হায়রি। মহৈরোয়শিংনা প্রোগ্ৰাম অসীদা শরূক য়াবগী চাংসু, ক্লাস সিক্সতগী নাইন ফাওবগী ওইনা নৌনা মহৈরোয় মশীং ৮,২০০ হেঙ্গৎলক্তুনা চাদা ৪৫ য়ৌনা হেঙ্গৎলকখি।ষ্টার ইদুকেসনগী খুদোংচাবা ফংদ্রিবা স্কুলশিংদগী নীংথীনা ইবা -পাবা, খঙবা ঙম্বগী চাংসু শরুক অহুমদগী মরী ফাওবা হেঙ্গৎহনখি।
হৌখিবা কুমশিং ২০২৩ গী মে থাদগী হৌরকখিবা হীঙশাগী ঈরাং অসীনা স্কুল অয়াম্বা থোঙ লোন্দুনা লৈবা য়াওখিবদগী ন্যুগ্লোবনা রিলিফ কেম্প ৬৪ দা কোয়না চত্তুনা মফমশিং অদূগী অঙাঙশিং লাইরিক-লাইশু তাকপী-তম্বিবা হৌরকখিবনি।লার্নিং অমসুং রিক্রিয়েস্নেল এক্টিভিটিশিং পায়খত্তুনা অঙাং ২,৮০০ লোমদা কান্নবা ফংহনখি। মসীগী মতাঙদা ৱা ঙাঙলদুনা সুজাতা মুথায়ানা হায়, কোবিদ-১৯ অমদি হীংশাগী ঈরাঙনা মরম ওইদুনা মনিপুরদা চহী অনী হেন্না অঙাংশিং নীংথিনা লাইরিক লাইসু তমহনবা ঙমদনা লৈরক্লি।মসীনা মরম ওইদুনা মহৈরোয়শিংগী লাইফটাইম আর্নীংদা চাদা ২৮ গী চাং য়ৌনা হন্থহল্লে হায়খি।
