জেনিম্স হোস্পিটালদা কন্ট্রেকচুয়েল ষ্টাফ নর্স ওইনা লৈরিবা ষ্টাফশিংদগী নম্ফূদা শেল খায়রম্বনি হায়বা কে সি পি তাইবংঙানবা গ্ৰূপকি এক্টিব কাদর মরি পোরোম্পাৎ পুলিসনা ফাগৎপা ঙমখ্রে।
হৌখিবা মার্চ ১৩ দা পুলিস ষ্টেসন অসীদা রেজিষ্টর তৌখিবা এফ আই আর অমগা মরী লৈননা চত্থরকখিবা ইনভেষ্টিগেসন অমদা মীওইশিং অদূ মশা-মশাগী ময়ূমদগী লৌখৎলকখিবনি হায়রি। মীওইশিং অদূদগী মোবাইল ফোন ৬, পিষ্টোল ১ অমসুং শেল ওইনা লূপা লাখ ৩৯ সু পুলিসনা রিকোভর তৌখ্রে।
কাদরশিং অদূদি লম্বোইখোংনাংখোং ময়ায় লৈকায়দগী আর কে হেরামোৎ (৪৫), চঙাঙ্গৈ মখা লৈকায়দগী সিনাম উমাকান্ত (৪৩), মালোম তুলিয়ায়মা মমাঙ লৈকায়দগী খোইস্নাম রোজর (২৯) অমসুং লৈকায় অসীমক্তদগী খোইস্নাম বাইরোন (২৩) নি হায়না পুলিসকি পাউ অমদা ফোঙদোরক্লি।
