মনিপুরদা হৌজিক লৈরিবা হীংশাগী ঈরাং অসীগা মরী লৈননা সেন্ট্রেল অমসুং ষ্টেট লৈঙাক্কি সেক্যুরিটি ফোর্স শিংনা হীংশা লাকশীন্ননবা অহীং- নুংথিল খায়দনা থি- হুম্বগী থবকশিং লৌখৎলকপগা লোয়ননা লমহেন- তুহেনবশিং ফাগৎনবা অকনবা থবক লৌখৎলকপা লেপ্তনা চত্থরি।
খোঙথাঙ অসীগী মখা চত্থরকপা ওইনা সেক্যুরিটি ফোর্স পার্সনেলশিংনা ঙরাং অমসুং নহানসু তোঙান তোঙানবা মনিপুরগী দিষ্ট্রিক্টশিংদা সর্স ওপরেসন চত্থখিবগা লোয়ননা খূৎশূ- খূৎলায় কয়ামরুম ফাগৎপা ঙমখ্রে। এরিয়া দোমিনেসনগা লোয়ননা সর্স ওপরেসন চত্থবদা ইম্ফাল ইষ্টকি মোংলাম মনাক্কি কারোং ব্রিজ মনাক্তা থিবা-হূম্ব গী থবক চত্থবদা বোম শানবা মচাক কয়ামরুম ফাগৎপা ঙমখি।
মনিপুর পুলিস অমসুং ইন্দিয়ান আর্মিগী অপূনবা টিম্না চত্থখিবা ওপরেসন অদুদা ফাগৎখ্রবা পোৎলমশিং অদুদি কেজি ২০ লূম্বা আই ঈ দি অনী, কেজি অনিমখায় লূম্বা আই ঈ দি অমা, নোংমৈ মরূ তরাতরেৎ, হেন্দ গ্ৰেনেদ মরি, মিটর য়াঙ্খৈ শাংবা কোর্দ টেক্স অমা, স্কোপ য়াওবা ৭.৬২ এম এমগী স্নাইপর অমা, নাইন এম এমগী পিষ্টোল অনী, বোল্ট এক্সন রাইফল অমা, নোংমৈ মরূ ১৭, আই ঈ দি অমা অমসুং পিবগেট গ্ৰেনেদ অনী ফাগৎপা ঙমখ্রে হায়রি।
