তেলঙ্গানাগী ভাদ্রাদি কোথাগুদেম দিষ্ট্রিক্ট তা সেক্যুরিটি ফোর্সকা নোংমৈ কাপ্নখিবা থৌদোক্তা আইন্না থিংখ্রবা মাউইষ্ট লালহৌলূপকি কাদর তরুক হাৎপা ঙমখ্রে। ছটিসগরগা তাইননা লৈরিবা দিষ্ট্রিক্ট অদূগী অশূকপা উমংগী শরুক্তা লৈরিবা কারাকাগুদেম ব্লোক্কি মনূংচন্না লৈরিবা নিল্লদ্রিগুট্টা উমংগী শরুক্তা অকনবা মওংদা খূৎ থোক্নবগী থৌদোক অদু মায়োক্নখিবনি হায়রি।
ভদ্রাদ্রি কোথাগুদেম দিষ্ট্রিক্ট কি সুপরিন্টেন্দেন্ট ওফ পুলিস বি রোহিট রাজুনা পাউমীশিংদা ফোঙদোরকখিবগী মতূং ইন্না, থৌদোক অদু মুলূগু দিষ্ট্রিক্ট কা তাইনরিবা রঘুনাধাপালেম ভিল্লেজ মনাক্তা লৈবা নিল্লন্দ্রিগুট্টা চীঙদূমদা থোকখিবনি হায়খি। গ্ৰেহাউন্দ পুলিস পার্সনেলশিংগী টিম অমনা উমংগী শরুক অদুদা কোম্বিং ওপরেসন চত্থখিবা মতমদা মাউইষ্ট কি কাঙবূ অদুগা অকনবা মওংদা নোংমৈ কাপ্নখিবনি।
থৌদোক অদুদা সেক্যুরিটি পার্সনেল অনী অশোক- অপন মায়োক্নখি অদুগা মাউইষ্ট কি কাদর তরুক কাপ্তুনা হাৎপা ঙমখি হায়না রোহিট রাজুনা মখা তানা ফোঙদোকখি। মফম অদুদগী য়াম্লবা খূৎলায়শিং অমসুং নোংমৈ মরূ কয়াসু ফংবা ঙমখ্রে হায়রি। মাউইষ্ট কাদর তরুক অদু মশক খঙদোক্ননবা হোৎনবগা লোয়ননা পোষ্ট মোর্টেমগীদমক মখোয়শিংদু কোথাগুদেম গভর্নমেন্ট হোস্পিটালদা পুরকখ্রে হায়রি।
