ঙরাং অয়ুক অঙনবা পূং ৪.৩০ রোম তাবদা সেন্ট্রেল সেক্যুরিটি ফোর্স অমসুং মনিপুর পুলিস কম্মান্দোগী অপূনবা ফোর্স অমনা কাংপোকপি দিষ্ট্রিক্ট কি কৈথেলমানবি জেনরেল এরিয়াশিংদা অকক্নবা পাউ অমা ফংবদগী সর্স ওপরেসন চত্থবদা লান্দা শীজিন্নগদবা অফবা মখলগি য়াম্লবা খূৎশু-খূৎলাই কয়ামরুম ফাগৎপা ঙমখ্রে। কৈথেলমানবি জেনরেল এরিয়াগী লাৱর লাইচীঙ (নোটিফাইদ এরিয়া) দা চত্থখিবা সর্স ওপরেসন্দা চীঙগী লৌতাংশঙশিংদা শকখঙদবশিংনা লোত্তুনা থম্লম্বা য়াম্লবা খূৎশূ-খূৎলায়শিং অদু ফাগৎপা ঙমখিবনি হায়রি।
ফাগৎলবা খূৎশু-খূ ৎলায়শিং অদুগী মনূংদা ইমপ্রোভাইজ ৭.৬২ এম এমগী এস এল আর- এম কে-১ (রেজিস্ট্রেশন নম্বর ২৫০৭৬৩) অমা, ইমপ্রোভাইজ ৯এম এম গী সি এম জি অমা, রেজিস্ট্রেশন নম্বর ১৬৩২০, মেগজিন য়াওবা পিষ্টোল অমা, রেজিস্ট্রেশন নম্বরনা ০৭৭৩১৭, লোং রেঞ্জ ইমপ্রোভাইজ মোর্টার অমা, শোর্ট রেঞ্জ ইমপ্রোভাইজ মোর্টার অমা, বাউফেং লোং রেঞ্জগী রেদিও সেট অমা, এম কে থ্রী এ টু গ্ৰেনেদ অমা, হেন্দ গ্ৰেনেদ দিটোনেটর অমা, ষ্টন সেল (ষ্মোক) অনী, লোং রেঞ্জ ইমপ্রোভাইজ মোর্টার বোম্ব অমা, শোর্ট রেঞ্জ ইমপ্রোভাইজ মোর্টার বোম্ব অমগা লোয়ননা অতৈ খূৎশু-খূৎলায় কয়ামরূম লৌতাঙশঙশিংদা লোৎশীন্দুনা থম্লম্বদগী ফাগৎপা ঙমখিবনি হায়রি।
