সেমসং ইন্দিয়ানা ঙসি মাগী ফ্লেগশিপ সি.এস.আর., ‘সোলভ ফোর তুমোরো’ ২০২৪গী মকোক থোংবা তীম ১০ লাউথোকখ্রে। মকোক থোংবা তীম ১০ অসিনা গ্রান্দ ফিনালেদা চঙগনি, মদুদা মখোয়না মখোয়গী অখন্নবা ৱাখল্লোনশিং অদু সেমসং লিদরশিপ অমসুং অতোপ্পা মরুওইবা ইন্দস্ত্রীগী লুচিংবশিং য়াওবা গ্রান্দ জুরী অমদা পুথোক্কনি। শোর্তলিস্ত তৌরবা তীমশিং অসিনা প্রোগ্রাম অসিগী রিজনেলগী ওইবা মগুন অদু উৎলদুনা অসামগী গোলাঘাত অমসুং কামরুপ রুরেল, রাজস্থানগী ঝালাৱর, কর্নাতকাগী উদুপী অমসুং ছত্তিসগরগী বিলাসপুর য়াওনা লৈবাক অসিগী খ্বাইদগী মনুং হঞ্জিনবা মফম খরদগী লাকপা ওইরি। ফাইনেলিস্তশিং অসি সেমসংগী জুরী মেম্বরশিংদা পীচ প্রেজেন্তেসনগী রাউন্দ কয়া অমসুং সেমসং অমসুং ফাউন্দেসন ফোর ইন্নোভেসন এন্দ তেক্নোলোজী ত্রান্সফর (এফ.আই.তি.তি.), আই.আই.তি. দিল্লীদগী এক্সপর্তশিংগী মেন্তরিং সেসনশিং য়াওনা অকনবা সেলেক্সন প্রোসেস অমা য়াওগনি। শেলগী মনা ওইনা, তীম ২০ অসিদা প্রোতোতাইপ দিবেলপমেন্তগীদমক লুপা ২০,০০০গী গ্রান্ত অমা পীখি। মসিগী মথক্তা, য়ুথ ত্রেক্তগী শোরলিস্ত তৌরবা তীমশিংনা খ্বাইদগী নৌবা সেমসং গেলেক্সী লেপ্তোপশিং ফংখি অদুগা স্কুল ত্রেক্তগী তীমশিংনা গেলেক্সী তেবশিং ফংখি।
প্রোগ্রাম অসিগী ৩শুবা ইদিসন অসিদা মহৈরোয়শিংনা মখোয়গী ৱাখল্লোনশিং অসি মপুং ওইবা থিম অনিগী মখাদা পুথোকখি: ‘কম্ম্যুনিতী অমসুং ইনক্লুজন’ অমসুং ‘এনভাইর্নমেন্ত অমসুং সস্তেনেবিলিতী’ । মসিগী পাক চাউবা থিমশিং অসিগী মখাদা, ৱাখল্লোন অয়াম্বনা মরুওইবা ইসুশিং হায়বদি খুদোংচাদ্রবা কাংলুপশিংগীদমক এজুকেসন অমসুং রিসোর্স এক্সেস তৌহনবা, এক্সপরিয়েন্সেল লর্নিংগী শীংনবশিং, দিজিতেল লিতরেসী, ঈশিং য়োশিনবা, অমসুং আর্সেনিক পোলুসন অসি থেংনবদা মীৎয়েং থমখি।
তীমশিং অসিনা ‘ইন্নোভেসন ৱাক’ তা শরুক য়াখি, মসি মেন্তরিং, এক্সপর্ত সেসনশিং অমসুং মহৈরোইশিংদা এক্সপোজর ফংহন্নবা দিজাইন তৌখিবনি। মসি বেঙ্গলুরু অমসুং নোইদাদা লৈবা সেমসং আর অমসুং দি সেন্তরশিং অমসুং গুরুগ্রামদা লৈবা রিজনেল হেদ-ক্বার্তরশিং য়াওনা সেমসংগী তোঙান তোঙানবা ওফিসশিংদা পাংথোকখি। মহৈরোয়শিংনা প্রদক্ত দিবেলপমেন্ত প্রোসেসকী মতাংদা ইনসাইৎ লৌশিনবদা কান্নরবা সেসনশিংদা শরুক য়াখি, মসিনা মখোয়দা মখোয়গী ৱাখল্লোনশিং ফগৎহনবদা মতেং পাংখি। মসিগী মতুংদা নেস্নেল পিৎচ ইভেন্ত অমা পাংথোকখি, মদুদা ফাইনেল তীম ১০ খনখি।
“লৈবাক শিনবা থুংবদগী শোর্তলিস্ত তৌরবা তীম ১০গী খোঙচৎ অসি উবদা ঐখোয়না নুংঙাইবা ফাওই, খোঙচৎ অসি থোইদোক হেন্দোকপা অমনি। “সোলভ ফোর তুমোরো” প্রোগ্রাম অসিনা শরুক য়ারিবশিং পুম্নমক্কী ক্রিএতিবিতী অমসুং কেপাসিতীগী ঙমখৈশিং অদু পাকথোক-চাউথোকপা ঙমখ্রে, মসিনা মখোয়বু ফাইনেল অদুগীদমক্তা খক্তা নত্তনা মখোয়গী তুংলমচৎকী থবকশিংদসু শেম-শারি। প্রোগ্রাম অসিগী খুত্থাংদা ঐখোয়না শরুক য়ারিবশিংদা তেক্নিকেল স্কিলশিং পীনবা, মখোয়দা থাজবা পীনবা অমসুং মখোয়বু ইন্নোভেতিব ওইনা ৱাখল খনবদা মতেং পাংনবা পান্দম থম্লি। ঐখোয়না গ্রান্দ পিচ ইভেন্ততা য়ৌরকপগা লোয়ননা, শরুক য়ারিবশিং অসিনা মতৌ করম্না মখোয়গী ৱাখল্লোনশিং অদু পুন্সিদা পুরক্কনি অমসুং অফবা খুন্নাইগী অহোংবা অমা পুরক্কনি হায়বদু ঐখোয়না উবদা নুংঙাইবা ফাওই,” হায়না সেমসং সাউথৱেস্ত এসিয়াগী কোর্পোরেৎ ভাইস প্রসিদেন্ত, এস.পি. চুন্না ফোংদোকখি।
“নহা ওইরিবা মীওইশিং অসিনা উৎলিবা ইন্নোভেসন অমসুং ক্রিএতিবিতী অসি তশেংনা ইথিল পীনিংঙাইনি। সেমসংগী “সোলভ ফোর তুমোরো” প্রোগ্রামনা মহৈরোইশিং অসিদা মখোয়গী ৱাখল্লোনশিংবু রিফাইন তৌনবা, হেন্না ফগৎহন্নবা অমসুং মপাঙ্গল কনখৎহন্নবা মথৌ তাবা মেন্তরশিপ অমসুং ত্রেনিং পীবদা অচৌবা মতেং পাংলি। এফ.আই.তি.তি.না অসিগুম্বা ইকাই খুম্নরবা প্লেৎফোর্ম অসিগী শরুক অমা ওইবদা য়াম্না চাউথোকচবা পোক্লি। মসিদা নহা ওইরিবা ইন্নোভেতরশিং অসি মখোয়গী তুংগী খোঙচৎকী শরুক অমা ওইগদবা স্কিল অমসুং থাজবগা লোয়ননা শক্তি পীরগনি,” হায়না আই.আই.তি. দিল্লীগী এফ.আই.তি.তি.গী, মেনেজিং দাইরেক্তর, দা. নিখিল আগরৱালনা ফোংদোকখি। ‘সোলভ ফোর তুমোরো’ ২০২৪ প্রোগ্রামগী ইদিসন অসিদা মনিপুরগী ইম্ফাল, মেঘালয়াগী ইস্ত খাসি হিল্স অমসুং ছত্তিসগরগী বিলাসপুর য়াওনা লৈবাক অসিগী খ্বাইদগী মনুং হঞ্জিনবা মফম খরদগী শরুক য়াবা উবা ফংখি। মহৈরোয় পুম্নমকপু খুন্নাইগী সমস্যাশিং কোকহন্নবা পান্দম থমদুনা ৱাখল্লোনশিং পুথোক্নবা পুক্নিং থৌগৎখি, মসিনা সেমসংগী মীৎয়েং অসি মপুং ফাহনখি, মীশিংগী পুন্সি মহিং মরুওইনা খুন্নাইগী শোত্থরবা মীওইশিংগী পুন্সি ফগৎহন্নবা তেক্নোলোজিকেল ইন্নোভেসন শীজিন্নখি, ।
