ক্যুনেট কম্পেনিগী মায়কৈদা বেঙ্গলোরগী সিভিল এন্দ সেসন্স কোর্টনা শীংথানিঙাই ওইরবা রূলিং পীখ্রে

ক্যুনেট ইন্দিয়াগী এক্সক্লুসিব ফ্রেঞ্চাইজ অমা ওইরিবা ভিহান দাইরেক্ট সেল্লিং (ইন্দিয়া) প্রাইভেৎ লিমিটেদকি অচৌবা মায় পাকপা খোঙথাং অমদা, চৎলিবা এপ্রিল থা অসীগী মরিদা বেঙ্গললোরগী সিটি সিভিল এন্দ সেসন্স কোর্টনা রুলিং অমা তাখিবগা লোয়ননা ফাইনান্সিয়েল ফ্রাউদস ভিক্তিমস ৱেলফিয়র এসোসিয়েসনগী মফমদা অকনবা অথীংবা থমখ্রে।

ইন্দিয়াগী চৎনরিবা লোগী মখাদা রেজিষ্টর তৌদুনা চল্লাইরিবা কম্পেনি অসীগী ক্রেদিবিলিটিদা এত্তেক তৌদুনা সোসিয়েল মেদিয়াগী প্লেটফোর্ম কয়াদা অমসুং প্রেস কনফরেন্স নচিংবা চত্থরক্তুনা এসোসিয়েসন অসিনা ক্যুনেট ইন্দিয়াগী মায়োক্তা অরানবা ৱাফমশিং শন্দোক্তুনা হৌখিবা চহি তরারোম হেন্না দিফেমেটরি অমসুং দিরোগেটিব ওইবা ৱাঙাংশিং শীজিন্নদুনা লাকখিবগী মায়োক্তা ক্যুনেট ইন্দিয়াগী মায়কৈদগী পেটিসন ফাইল তৌদুনা হিয়ারিং মথং মথং চত্থরক্তুনা লাক্লবা মতূংদা কোর্ট অসীনা ঐতিহাসিক ওইরবা ওর্দর অদু তাখিবনি হায়রি।

এসোসিয়েসন অসীগী মেম্বর ওইনা লৈরিবা গুরুপ্রিট সিংহ, ইন্দরজিৎ সিংহ আনন্দ, ফানিদ্রা,অনুজা কোটেজা অমসুং সুরেন্দ্র মুকাইট্রানচিংবা কয়ামরুম অসিনা ইন্দিয়াগী লোগী মখাদা রেজিষ্টর তৌদুনা চল্লাইরিবা কম্পেনি অসীগী ক্রেদিবিলিটিদা এত্তেক তৌবা মখাতানা য়াররোই হায়না কোর্ট অসিনা অকনবা অথীংবা থমখিবনি। দিফেন্দরশিংনা শাংলবা মতমসিদা ক্যুনেটকি মথক্তা অরানবা চার্জ কয়ামরুম তৌদুনা কম্পেনি অসিবু মীয়াম্না লান্না উখিনবা থৌওং কয়ামরুম চত্থরক্লিবদু আইনগী মায়োক্তনি, মরম অসিনা অসিগুম্বা থবক থৌওং অমত্তা মখা তানা চত্থবা য়াররোই হায়না অকনবা অথীংবা থমখিবনি। দিফেন্দরশিংনা শাংলবা মতমসিদা ক্যুনেটকি মথক্তা ফোঙদোক্তুনা লাক্লিবা ষ্টেটমেন্টশিংদু কা য়াম্না হেঞ্জিনবা অমসুং থম্মোয়দা তাশোন্না থিনবা ঙাক্তনি। ফ্রিদম ওফ স্পিচকি ৱাহন্থোক লান্না পুশিল্লক্লগা লোগী মখাদা রেজিষ্টর তৌদুনা চল্লাইরিবা কম্পেনি অসীগী ক্রেদিবিলিটিদা এত্তেক তৌবা অমুক হন্না য়ারোই হায়না কোর্টকি ওর্দর অদুদা ময়েক শেংনা ফোঙদোকখি।