পূখ্রি ওল্লবা ইম্ফাল পাঙ্গৈ-পুখাউ রোদ খোয়শাওনরবা মীয়াম্না মতম কক্তনা থিংজিনখ্রে

চহী ১৫ গী মমাঙদগী ফীভম য়াম্না ফত্তনা লৈরকপদগী মীয়াম্না মরী লৈনবা অথোরিটিদা শেমজীনবিনবা তকশীন্দুনা লাক্লবসু ইম্ফাল-পাঙ্গৈ পুখাউ রোদ অসী ঙসিফাওবা লৈঙাক্না মীৎয়েং চঙবীদনা লাকপদগী খোয়শাওনরবা মায়কৈ অসোমগী মীয়াম্না  চৎলিবা থা অসিগী ১৭ তগী হৌনা ইম্ফাল-পাঙ্গৈ পুখাউ রোদ হায়না খঙনরিবা ষ্টেট হায়ৱে  অসি মতম কক্তনা থিংজিনখিবনি। খূরায় লম্লোং থোংখোঙদগী পাঙ্গৈফাওবগী মরক্তা লৈরিবা ক্লব ওরগনাইজেসনশিং অমসুং মৈরা পায়বী লূপশিংনা পূন্দুনা অপূনবা খোঙজঙ চঙশিনখিবগা লোয়ননা লৈঙাক্না লম্বী অসী শেমদ্রিফাওবা লম্বী থিংবগী খোঙজঙ অদু চত্থ খিবনি।

চহী কয়াগী মমাঙদগী লৈঙাক্না থৌশাদনা লৈরকপদগী ষ্টেট  হায়ৱে অসী হৌজিক অচৌবা পূখ্রীমুক চাউরবা কোমকুৎ মশীং লাকঙমদনা লৈবদগী লম্বীদা চৎলিবা গারিশিং অমসুং খোঙনা চৎপা মীওই কয়া এক্সিদেন্ট থোক্তুনা মীশী-মীনা অমদি অশোক- অপন কয়া য়াওখ্রবনি।

খোয়শাওনরবা মীয়াম্না লম্বী অসী মরী লৈনবা অথোরিটিদা মশীং থীঙমদনা হায়জরবসু তাবীদবদগী ঙসীদি মতম কক্ত না থিংজিল্লে হায়না মায়কৈ অশোমগী মীয়াম্না ফোঙদোরকখি।