পুখাউ সান্টিপুরদা কুকি মিলিটেন্ট শিংনা নুমীৎচূপ্পা এটেক চত্থরকপদগী খুনঙাকপা অমা শোক্লে

ইম্ফাল ইষ্ট দিষ্ট্রিককি মনুংদা লৈবা পুখাউ শান্টিপুরদা কুকি মিলিটেন্টশিংনা নুমীৎচূপ্পা বোম য়াওনা অকনবা মওংদা নোংমৈ কাপশিল্লক্তুনা মায়কৈ অনিদগী  এত্তেক চত্থরকপদা খুন ঙাকপা অমা শোক্লে। খুল ঙাক্লিবশিংনসু খূৎ হন্দুনা অকনবা মওংদা মায়কৈ অনিগী মরক্তা নোংমৈ কাপ্নখিবা অদুদা কুকি মিলিটেন্টশিংগী মায়কৈদসু মীশী-মীনা, অশোক- অপন কয়াসু য়াওরমগনি হায়বগী চাউনা থাজবা লৈ হায়রি।

থা অসীগী ১১গী নুংদাংদগী লেপ্তনা চত্থরকখিবা  কুকি মিলিটেন্টশিংগী এত্তেক অদুনা মরম ওইদুনা পুখাউ শান্টিপুরদা হৌজিক লানবূং  অমগা চপ মান্নবা থাক্ত  লৈরি, হৌজিকসু অদুম্মক মখা তানা কাপ্নরগা লৈরি হায়রি। কুকি মিলিটেন্টশিংনা ঙরাং অয়ুক্তগী হেন্না কনশীনবা মওংদা এত্তেক চত্থরক্তুনা খামেনলোক্কি চীঙমায় ফাওবা চঙশীল্লক্তুনা তম্পাকলমদা অতৎ- অখম লৈতনা নোংমৈ কাপথরকখি।

খুল ঙাকপা অমসুং সেক্যুরিতি পার্সনলশিংনসু অকনবা মওংদা খূৎ হন্দুনা নোংমৈ কাপ্নখিবা অদুদা কুকি মিলিটেন্টশিংগী মায়কৈদসু মীশী-মীনা নংলম্বা য়াই হায়রি। মিলিটেন্টশিং অদুনা মৈতৈ খুল তম্না বোম কাপশীন্নব হোনবদা শোয়বদগী পোকখায়রক্তুনা মিলিটেন্ট মরি শিখি হায়রি। নোংমৈনা পান্দুনা শোক্লবা খুন ঙাকপা মীওইদু রাজ মেদিসিতিদা পুখত্তুনা লায়কন্নখ্রে, খুদোংথীনিঙিই ওইদ্রে হায়রি।