পোৎ-চৈ তাঙবা, হীংশাগী ঈরাং থোকপদা মণিপুরনা ইন্দিয়াদা মকোক ওইরি : চীংলেন মাইস্নাম

মণিপুর অসী মীহাৎ-মীপূন, হাৎন-শুনবগী অকনবা ঈরাং লৈবগী মথক্তা খ্বাইদগী হেন্না পোৎ-চৈগী মমল তাঙবদা ইন্দিয়াদা অহানবা ষ্টেট ওইরক্লি  হায়না মণিপুর য়ুনিভর্সিটিগী প্রোফেসার চীংলেন মাইস্নাম্না ফোঙদোকখ্রে। কংলৈ পিপল্স এগেন্স নার্কোটিক্স এন্দ সাইকোট্রোপিক সবসটেন্সেস  (কংলৈ পানা) গী অনীশুবা মপোক  কুমওন থৌরমগা মরী লৈননা পাঙথোকপা থৌরমদা শরুক য়ারদুনা মহাক্না হায়,  মনিপুর অসী ইন্দিয়াগী ওইনা পোৎ-চৈ খ্বাইদগী হেন্না মমল তাঙবা ষ্টেট অমা ওইরি।

হৌজিক মণিপুরদা খম থেংনা হীংশাগী ঈরাং লৈবগী মথক্তা খ্বাইদগী হেন্না মমল য়াম্বা পোৎ-চৈশিংগী মমল অসিদা মীয়ামগী ওইনা খ্বাইদগী হেন্না অৱাবা খুদোংচাদবা মায়োক্ন দুনা লৈরি। ফীভম অসী মখা তানা মায়োক্নরবদি মণিপুরদা চাক তাঙবগী লাইচৎ  অমা য়াম্না অথুবা মতমদা মায়োক্নরক্কদবগী থাক অমা য়ৌরক্লে হায়না চীংলেন  মাইস্নাম্না মখা তানা ফোঙদোকখি।

মণিপুরগী মীয়াম্না ফেমীলি বদজেটকি মতাংদা  নৈনবগী চাং অসি য়াম্না হেন্না নেম্না লৈরি, নীংথিনা রেকোর্ড তৌদুনা থম্নদবগী মওং উবা ফংই হায়নসু প্রোফেসার অসিনা মখা তানা ফোঙদোকখি।মীয়াম অসী চাবা থকপা ফংলকতবদগী তৌবম  খঙলক্তবদগী ঈকায়বা খাঙবা ঙম্বগী শিংলী তৎখিদুনা নোংমদি  মহৌশা থেংনখিদ্রিবা উপদ্রোপকি শক্তম অমা মায়োক্নরকপা য়ারিবনি হায়না মহাক্না মখা তানা ফোঙদোকখি।