১৮শুবা লোক সভা মীখলগী অনিশুবা তাঙ্কক্কি ওইনা ঙরাং আউটরগী মীখল পাঙথোকখ্রে। পূন্না য়েংবদা অনিশুবা তাঙ্কক্কি মীখল অসি ভোটরশিংনা য়াম্না শান্তি ওইনা ভোৎ থাদনখি অদুবু পোল্লিং স্তেসন অহুমদা শকখঙদবশিংনা ঈ ভি এম থুগাইরমখি। কংগ্রেস পার্টিনা পোল্লিং স্তেসন ১৭ তা মীখল অমূক হন্না পাঙথোকহননবা কমপ্লেন্ট থাঙ্গৎখ্রে। আউটরগী ওইনা এসেমব্লি সেগমেন্ট ১৩গী ভোটরশিংনা মশীং য়াম্না থোক্নরক্তুনা ভোৎ থাধনখিবনি।
ঙরাং নুমিদাংৱাইরম পূং ৫ ফাওবা ভোৎ থাদনখিবা অদুদা চাদা ৭৬.০৬ফাওবা য়ৌনা ভোৎ থাধনখিবনি। ঙরাং অয়ূক পূং তরেৎ তাবদগী মীয়াম্না ভোৎ থাধবা হৌখি। ঊখ্রুল দিষ্ট্রিক্টকি মনুংদা লৈবা পোল্লিং স্তেসন ৪৪/৩৬- ঊখ্রুল- এ মোদেল হায় স্কুল, ৪৪/৫০ ঊ এফ লৈসিফানিট জুনিয়র হায় স্কুল অমসুং ৪৪/৪১ ঊখ্রুল দি ১-গ্ৰিনলেন্দ প্রাইমারি স্কুলগী পোল্লিং স্তেসন অহুমদা পামদবা থৌদোক খরা থোকখিবগা লোয়ননা শকখঙদবশিংনা ঈ ভি এম মেচিন কয়া থুগায়রমখি। পোল্লিং স্তেসন কয়া অমদসু খূৎলায় পায়বশিংনা অখন্নবা মীরেপ অমগী এজেন্ট ফম্বা য়ারোই হায়দুনা অথিংবা থমখি।
অতোপ্পা পোল্লিং স্তেসন খরদনা খূৎলায় পায়বশিংনা মীয়াম্বু কিহন্দুনা ভোৎ অমত্তা থাদহনখিদবগা লোয়ননা মখোয় খরনা ভোৎ পুল্লপ ওইনা থাদবগী থবকশিং চত্থখি হায়না ঐখোয়গী পাউমীনা পাউদমখি।কংগ্রেস মীরেপ ওইখিবা অলফ্রেদ কাঙম এস অথরগী এজেন্টশিং মফম কয়াদা ফমহনখিদবগা লোয়ননা বুথ কেপচর, রেগ্গিংগী থবক থৌওং পাক-সন্না চত্থখি হায়না কমপ্লেন্ট থাঙ্গৎখি। মনিপুরগি চিফ ইলেক্তোরেল ওফিসারদা ৱাকৎ থাঙ্গৎখিবনি।
