ওন-দ্যুটি নর্স তা মোলেষ্ট চত্থরম্বনি হায়বা পেসেন্ট ফাখ্রে

ৱেষ্ট বেঙ্গলগি বিরভূম দিষ্ট্রিক্ট মনূংচন্না ইলম বজারদা গভর্ণমেন্টনা চল্লাইবা হেল্থ সেন্টর অমদা লায়েংদুনা লৈরিবা পেসেন্ট অমনা, মহাকপু করিদা অশোয়- অঙাম থোক্কদগে, হকচাঙগী ফীভম মতৌ করম্না য়াম্না থুনা ফগৎহনগদগে হায়দুনা অহীং-নুংথিল অনীদা কূপ্না শেন্নবিদুনা, মতম চানা হীদাক-লাংথক পীজ-পীথক তৌরিবা, ইঞ্জেক্সন মতম চানা কাপ্পিবগা লোয়ননা হীরম খূদীংদা কূপ্না য়েংশিনবিদুনা লৈরিবা ওন- দ্যুটি নর্স অমদা কারন তাশিন্দুনা, মীওইবগী লীচৎকি ৱাংমদা মোলেষ্ট চত্থরুবদগী পেসেন্ট অদূ হোস্পিটালগী ফমূং থাদোক্লম্লগা পুলিস কষ্টদি মনূংদা প্রাইচিৎ তৌদুনা মশানা লঙজরুবা মরালগী দন্দি ফংবা হৌরে হায়রি।

হৌখিবা থাংজা নুমিত্তা থোকখিবা থৌদোক অদূ হন্দক্তা হৌখিবা আগষ্ট মাপন্দা আর জি কার মেদিকেল কোল্লেজ এন্দ হোস্পিটাল কোলকট্টাগী ট্রেনি দোক্তর অমা রেপ চত্থরবা মতূংদা হাৎখিবা থৌদোক অদূবু য়ানিংদবা ফোঙদোক্তুনা লৈবাক শীন্থুংনা প্রোটেষ্ট কন্না চত্থনরিঙৈ চৈরক্তা ওইরি।

বিরভূমগী থৌদোক অদু নর্স অদুনা অনাবা মীওই অদুগী সেলাইন এদমিনিষ্টর তৌদুনা সেবা তৌরিঙৈদা মখূৎ শাংলকখিবনি হায়রি।