হৌখিবা সেপ্তেম্বর ২৭ তা ন্যু কৈথেলমানবিদা লৈবা ৩৩ শুবা আসাম রাইফলসকি পোষ্টতা এস এস সিনা কন্দক্ট তৌবা রিক্রুইটমেন্ট দা শরূক য়াননবা চৎখিবা থৌবাল দিষ্ট্রিক্ট তগী ওইনাম থোইথোই অমসুং থোকচোম থোইথোইবা অনীবু ঙসী তেক্ত- কায়দনা থাদোরকখ্রে।
মনিপুরগী তম্পাক্তা লৈরিবা মীয়াম্না নহা অনী অসীবু তেক্ত- কায়দনা থাদোরক্নবা অকনবা খোল্লাউ কয়াগা লোয়ননা মফম কয়াদা পাক-সন্না প্রোটেষ্ট তৌদুনা লাকখিবনি। নহা অনী অদূ থাদোক্নবা মীয়ামগী দাবীদা থৌবাল দিষ্ট্রিক্ট তা পূং ৪৮ গী বন্দ অমসুং মনিপুর পূম্বদসু টোটেল সটদাউনগী খোঙজং ফাওবা চত্থখিবনি। কাংপোকপী দিষ্ট্রিক্ট কি এস পি, আসাম রাইফলসনচিংবগী সেক্যুরিটি পার্স নেলশিংদা নহা অনীদু তেক্ত- কায়দনা শিন্নরকখিবা থৌরমদুদা কম্মিটি ওন ট্রাইভেল য়ূনিটি (কোতু) গী লুচিংবশিং শরুক য়াখি।
মনিপুর গী চিফ মিনিষ্টরনসু নহা অনীদু অশোয়- অঙাম অমত্তা য়াওহন্দ না থাদোকহন্ননবা লৈঙাক্না অঙম্বা থাক্তা হোৎনরি, অথুবা মতমদা থাদোরক্কনি হায়বগী চাউনা থাজবা লৈরি হায়না ঙরাং মহাত্মা গান্ধিগী মপোক কুম্মোন থৌরম শরুক য়াবা লাকপদা ইম্ফাল গী জি এম হোলদা ফোঙদোকখিবনি।
