এন আই টি মনিপুরগী দিরেক্তরনা গভর্নর অনুসুইয়া উইকেগা উনদুনা ইন্সটিট্যুট অসীনা পায়খৎলিবা দেভলপমেন্ট ইনিসিয়েটিবশিংগী মতাংদা পাউদমখ্রে

নেস্নেল ইন্সটিট্যুট ওফ টেক্নোলোজি (এন আই টি) মনিপুরগী দিরেক্তর প্রোফেসার দি সোমায়াজুলুনা মহাক্কি অতোপ্পা ওফিসিয়েল অনীগা লোয়ননা ঙরাং রাজ ভবন্দা চত্তুনা গভর্নর অনুসুইয়া উইকেগা উনদুনা টেক্নিকেল ইন্সটিটিউট অসীনা পায়খৎলিবা দিভলপমেন্ট ইনিসিয়েটিবশিংগী মতাংদা ব্রিফিং পীদুনা পাউদমখ্রে।
হৌজিক এন আই টি মনিপুরগী লেঙদ্রবা মফম অমা লৈত্রি অদুবু লম অমা ফংবদি ঙম্লে। মফম অদুদা হোংদোক্ননবা থৌরাং তৌরি হায়না দিরেক্তর অসিনা গভর্নরদা পাউদমখি। মনিপুর অমসুং নোরথ ইষ্ট ষ্টেটশিংগী মহৈরোয়শিং টেক্নিকেল ইদুকেসন ফংহন্দুনা অফবা য়ূম্বীরেল ওইহন্ননবা হোৎনবদা ইন্সটিটিউট অসীনা লৌরিবা থৌদাংশিংবু গভর্নরনা থাগৎপা ফোঙদোকখি।
ইন্সটিটিউট অসীদা হৌজিক মনিপুরদগী মহৈরোয় চাতরুক হেন্না অৱাংবা থাক্কি টেক্নিকেল ইদুকেসন তম্লি অদুগা হৌজিক পূন্না মহৈরোয় মশীং ১২০০ মহৈ তমদুনা লৈরি হায়বা ৱাফম সোমায়াজুলুনা গভর্নরদা ফোঙদোকখি। লম একর ৩৪১ চাউবা মফম অমদা হোংদোক্ননবা থৌরাং তৌরি হায়না দিরেক্তর প্রোফেসার সোমায়াজুলুনা গভর্নরদা পাউদমখি। মফম অসীদা নৌনা এন আই টি শাগৎনবা দিটেল প্রোজেক্ট রিপোর্ট (দি পি আর) অমা সবমিট তৌখ্রে হায়খি।
মসীগী মতাংদা এক্সপর্ট কম্মিটি অমসু শেম্লে হায়খি। ইন্সটিটিউট অসিদা সেক্যুরিটি কোভরেজ মতীকচানা পীবিনবসু দিরেক্তর প্রোফেসার সোমায়াজুলুনা গভর্নরদা তকশীনখি।