নিপানশুবা আর্ম ফোর্স ভেটরান্স ডে অহানবা মনিপুর রাইফলসকি বঙ্কিৎ হোলদা পাঙথোকখ্রে

 মনিপুর লৈঙাকনা শীন্দুনা ঙসী অহানবা মনিপুর রাইফলসকি বঙ্কিৎ হোলদা নিপানশুবা আর্ম ফোর্স ভেটরান্স ডেগী থৌরম মায় পাকনা পাঙথোকখ্রে। থৌরম অদুদা আর্ম ফোর্স কি গেলেন্ট্রি অমদি অতৈ লেমজনিঙায়নি ওইরবা এৱার্দ কয়া ফংখ্রব ভেটরানশিং অমদি ভীর নারিশিংদা খূদোলপোৎশিং চিফ মিনিষ্টর না তমখি। ইন্দিয়াগী ঙমখৈ অমদি মীয়াম্বু ঙাক শেনবদা পুন্সি ককখ্রব আর্ম ফোর্স ভেটরান্স পার্সনলশিংগী কত্থোকপা অমসুং মখোয়গী সর্বিস অদুবু নীংশীংদুনা কুমশীং ২০১৭ তগী হৌনা পি এম মোডিগী লমজিং মখাদা আর্ম ফোর্স ভেটরান্স ডে পাঙথোক্তুনা লাকলি।

মণিপুর লৈঙাকনা শীন্দুনা পাঙথোকপদি হন্দকনা অহানবনি হায়খি।নুমিৎ অসীনা লাকপদা  লৈপাক্কিদমক পুন্সি কৎখ্রব অথৌবশিং অদুগী মফমদা নেসন অসীনা ঈকায়খুম্নবা উৎলি হায়খি।

থৌরম অদুদা চিফ মিনিষ্টরনা হায়, রাহুল গান্ধী না লুচিংদুনা চৎকদৌরিবা ভারত যোরো ন্যাই যাত্রা অসী ভারতকী অপূনবা শক্তম অদু থুগাইনবা শীল্লকপগা মান্নৈ। মীয়ামগী জষ্টিস ফংহন্নবা খোঙচৎনি হায়জবনি, তাৎনি। লোক সভা মীখল মমাঙদা ভোৎ ফংনবা চৎপা ইলেক্সন কম্পেন্নি হায়খি।