নরা চন্দ্রবাবু নাইদু ঙসী অন্ড্র প্রদেসকি চিফ মিনিষ্টর ওইনা ৱাশক লৌগদৌরি

টেলুগু দেসাম পার্টি (টি দি পি) লুচিংবা চন্দ্রবাবু নাইদু ঙসী অনধ্র প্রদেসকি চিফ মিনিষ্টর ওইনা ৱাশক লৌরগনি। হন্দক ১৮ শুবা লোক সভাগী মীখল পাঙথোকখীবা অদুগা মতম অমত্তদা চপ মান্ননা পাঙথোকখিবা, পূন্না এসেম্বলী সিট ১৭৫ লৈবা ষ্টেট অদুদা টেলুগু দেসাম পার্টি, বিজেপি অমসুং জন্ন সেনাগী এল্লাইন্সনা পূন্না সিট ১৬৪ ফংদুনা চাউনা মায় পাকখিবনি।
চন্দ্রবাবু নাইদু অসি হৌখিবা জূন মাপনদা চিফ মিনিষ্টর ওইনা ৱাশক লৌরগনি হায়না তৌরম্বনি অদুবু থা অসিগী নিপান্দা সেন্টরদা নরেন্দ্র মোদিনা এন দি এগী অহুমশুবা টার্ম গী প্রাইম মিনিষ্টর ওইনা ৱাশক লৌবগী থৌরম পাঙথোকখিবা অদুদা মহাকসু শরূক য়াখিবনা মরম ওইদুনা চিফ মিনিষ্টর ওইনা ৱাশক লৌবগী থৌরম অদু য়ৈথোক্তুনা লাকখিবগা লোয়ননা ঙসি জূন ১২দা ৱাশক লৌননবা মতম লেপখিবনি।
চন্দ্রবাবু নাইদু ঙসী অন্ড্র প্রদেসকি চিফ মিনিষ্টর ওইনা ৱাশক লৌবগী থৌরমদা প্রাইম মিনিষ্টর নরেন্দ্র মোদি, য়ুনিয়ন হোম মিনিষ্টর অমিট সহা, জে পি নাদ্দানচিংবা বি জে পিগী লুচিংবা কয়াসু শরুক য়াগদৌরি হায়না পাউগী অতোপ্পা লীখূন অমনা ফোঙদোরক্লি।
কুমশিং ২০১৪ দা অনধ্র প্রদেসপু ষ্টেট অনী থোক্না খায়দোকখিবা মতমদুদগী নাইদুনা চিফ মিনিষ্টর ওইনা থৌ পুদুনা কুমশিং ২০১৯ ফাওবা লৈরকখিবনি। চহী অদুদা মহাক্কি পার্টিনা মশীং য়াম্না ভোৎ কাহৌদবনা ওপ্পোজিসন ওইনা লৈরকখিবনি।