দিজাস্তর মেনেজমেন্তগীদমক অনৌবা খুমাং চাউশিনবা অমদা নাগালেন্দনা কত্তিং- এদজ নাগালেন্দ দিজাস্তর রিস্ক ত্রান্সফর পেরামেত্রিক ইন্সুরেন্স সোল্যুসন (দি.আর.তি.পি.আই.এস.) দিপ্লোই তৌনবা এস.বি.আই. জেনরেল ইন্সুরেন্সকা লোয়ননা নাগালেন্দনা খুৎশম্নখ্রে। মসিগী ইন্নোভেতিব ইনিসিএতিব অসিনা রিস্ক মেনেজমেন্ত তেক্নোলোজীদা শীংথানীংঙাই ওইবা খুমাং চাউশিনবা ওইনা মহৌশাগী খুদোংথিবশিং মেনেজ তৌনবা রাজ্য অসিগী এপ্রোচতা অওনবা পুরক্নবা পান্দম থম্মি। অনৌবা চহি অহুমগী মেমোরেন্দম ওফ অন্দরস্তেন্দিং (এম.ও.য়ু)দা দি.আর.তি.পি.আই.এস.না কা হেন্না নোং চুবা অমসুং পন্থা নত্তনা চুবা নোং য়াওনা এক্সত্রিম ৱেদর ইভেন্তশিংগী মায়োক্তা কমপ্রিহেন্সিব কভরেজ পীনবা এদভান্স পেরামেত্রিক ইন্সুরেন্স তেক্নোলোজী ইন্তিগ্রেৎ তৌনবা ফোংদোক্লি। মসিগী তেক-দ্রিভন সোল্যুসন অসিনা রিকভরী প্রোসেস য়াংশিনহন্নবা অমসুং মহৌশাগী খুদোংথিবশিংদগী শেল-থুমদা পীবা শাফু হন্থহন্নবা থাজবা পীদুনা মসিনা শাথিবা ৱেদর থেংনগনবা লমদম অমদা খোঙজেল য়াংবা অমসুং অফবা দিজাস্তর রেস্পোন্সকী মথৌ তাবা হেনগৎলক্লিবা অসি ফংহল্লি।
এস.বি.আই. জেনরেল ইন্সুরেন্সকী এম.দি. অমসুং সি.ই.ও., নভীন চন্দ্র ঝানা তেক্নোলোজী এদজ: “ঐখোয়গী পেরামেত্রিক ইন্সুরেন্স সোল্যুসননা খুদক্কী কম্পেন্সেসন পীনবা অমসুং রিকভরী স্ত্রীমলাইন তৌনবা এদভান্স অলগোরিথমশিং শীজিন্নগনি” হায়না ফোংদোকখি।
নাগালেন্দগী মুখ্য মন্ত্রী নৈফিয়ু রিওনা এম.ও.য়ু. অসি অফবা খোঙথাং অমনি, মসিনা রাজ্যগী দিজাস্তর মেনেজমেন্ত ফ্রেমৱার্ক ফগৎহনগনি হায়না শীংথাখি। লোঞ্চ তৌবা অসিদা শ্র ব্যাসন আর, আই.এ.এস. অমসুং মকোক থোংবা এস.বি.আই. জেনরেল ইন্সুরেন্সকী মীহুৎশিং য়াওনা মশক নাইবা মীওইশিংনা শরুক য়াদুনা নাগালেন্দগীদমক তেক-এনহেন্স রেজিলিয়েন্স অমগী অনৌবা চহিচা অমা লাক্লে ফোংদোকখি।
