হন্দক পাঙথোক্নবা শেম শারিবা ১৮শুবা লোক সভাগী মীখল অসিগী অহানবা তাঙ্কককি ভোৎ থাধগদবা নুমিৎ হয়েং এপ্রিল ১৯ ওইবনা নাগালেন্দ পারলিয়ামেন্টরি কন্সটিট্যুয়েন্সি গী ওইনা মীখলগী কেম্পেইন ঙরাং নুংদাংৱাইরম পূং ৪ তাবদা লোইশিনখ্রে।
রিপ্রজজেন্টেসন ওফ দি পিপল এক্ট, ১৯৫১ গী সেক্সন ১২৬ কি মখাদা চিফ ঈলেক্তোরেল ওফিসার, নাগালেন্দ না লাউথোকখিবা মতূং ইন্না, কেম্পেইন মতম লোইখ্রবনিনা কনাগুম্বা অমত্তনা মীখল অমসুং মীরেপশিংগা মরী লৈনবা হীরমদা পব্লিক মিটিং কৌদুনা শীল-লাঙবা, শরূক য়াবা, প্রোসেসন চৎপা অমত্তা য়াররোই অদুগা সিনেমাটোগ্ৰাফ, টেলিভিজননচিংবা অমসুং অতৈ ইলেক্ট্রোনিক পাম্বৈশিংগী মতেংনা ইলেক্সনগা মরী লৈনবা মেটরিয়েলশিং দিসপ্লে তৌদুনা মীয়ামগী পূকনীং ৱাখল চিংশিন্নবা হোৎনবা অমত্তা য়াররোই হায়না লাউথোকখি।
ম্যুজিকেল কন্সর্ট, থিয়েট্রিকেল পারফোর্মেন্স, এন্টরটেনমেন্ট, এম্যুজমেন্ট প্রোগ্রামনচিংবা পাঙথোক্তুনা মীখল অসিগী মতাংদা মীয়ামগী পূকনীং ৱাখল চিংশিন্নবা হোৎনবা অমত্তা য়াররোই হায়না লাউথোকখি। প্রোভিজনশিং অসি থুগাইরকপা মীওইশিং অদু চহী অনীফাওবা, ফাইন য়াওনা নত্রগা য়াওদনা নত্রগা অনীমক্কা লোয়ননা জেলদা থমজিনবা য়াই হায়না সি ই ও অদুনা মখা তানা ফোঙদোকখি।
