হৌখিবা কুমশিং ২০২০ গী জনুয়ারি থাদা মনিপুর ষ্টেট পৱার দিষ্ট্রিব্যুসন কম্পেনি লিমিটেদ ( এম এস পি দি সি এল) অমসুং মনিপুর ষ্টেট পৱার কম্পেনি লিমিটেদ ( এম এস পি সি এল) গী গ্ৰেদ থ্রী অমসুং গ্ৰেদ ফোরগী ফম ৯০৭ লৌননবা পাঙথোকখিবা ইন্টর্ভিয়ু অদুগী ফল থেঙলবদা চহী অসীগী দিসেম্বর থা ফাওবগী মনূংদা হায়দোক্লগনি হায়না ষ্টেট লৈঙাক্কি পৱার মিনিষ্টর থোঙাম বিশ্বাজিৎনা মনিপুর লেজিসলেটিভ এসেমব্লিগী মীফমদা ঙরাং শেংদোকখ্রে।
কংগ্রেস পার্টিগী এম এল এ কাঙুজম রঞ্জিৎনা হীরম অসীগী মতাংদা হংলকখিবা ৱাহংগী পাউখুম পীবদা মিনিষ্টর অসীনা ৱাফম অসী ফোঙদোকখিবনি। কুমশিং ২০২০ গী জনুয়ারি থাদা পাঙথোকখিবা ইন্টরভিয়ুগী ফল চহী মরি হেল্লবফাওবা হায়দোক্ট্রিবসি করি খুদোংচাদবা লৈবগীনো হায়না হংলকখিবা অমগী পাউখুমদা মিনিষ্টর অসিনা হায়, কোবিদ-১৯ গী লাইচৎনা মতম শাংনা অকায়বা থোকহনখ্রবা মতূংদা কুমশিং ২০২২ দা ইলেক্সননা মরম ওইদুনা মতম খরা অমুক লৌখ্রে।
মদুগী মতূংদা কম্পেনি অসীগী মেনেজিং দিরেক্তরগী মথক্তা কেস ময়াম অমা অমুক থাঙ্গৎলকখ্রে। মদুগী মতূংদা কুমশিং ২০২৩ গী মে থাদগী ঈরাং অমুক লাকখিবা কয়া না মরম ওইরগা অপনবা কয়ামরুম থোকখিবদগী মতম থীন্থ খিবনি হায়না মিনিষ্টর অসিনা ফোঙদোকখি।
