ময়াং ইম্ফাল বেঙ্গুন ৱার্দ নম্বর ৯ গী মনূঙচন্না লৈরিবা খুল্লাকপাৎ লৌকোল হায়না খঙনরবা,লৌ পরী ৪৫ রোম লৈরিবা লৌকোল অসীগী মনূঙদা ইরোই সল্লম হায়না খঙনরিবা মফম অসী ময়াঙ ইম্ফাল কেন্দ্রগী এম এল এ ওইরিবা কোঙ্খাম রোবিন্দ্রোনা ঈরম-নালা অমত্তা থম্বিরমদনা লৈপাক ৱাংনা থোঙ্কৎখিবদগী হৌখিবা চহী খরা অসীদা নোংজুথা লাকপা খূদীংদা মফম অসীগী খুঞ্জাশিং ঈচাও মায়োক্নদুনা লৈরে, এম এল এ অসীনা মীয়ামদা ঈশীং ঈচাওগী খূদোল তম্বিরে হায়না ময়াং ইম্ফাল বেঙ্গুনদা বেজ তৌরিবা ইরোই শল্লম এফেক্তেদ গ্ৰূপ্না য়াম্না কন্না পেন্দবগা লোয়ননা কন্দেম তৌরক্লি।
গ্ৰূপ অসীগী সেক্রেটরিনা খূৎয়েক পীদুনা থাদোরকপা চেরোল অমনা হায়রিবদি, ইরোই শল্লম হায়না খঙনরিবা,লৌ পরী অমা মখায়রোম খরা হেন্না কল্লিবা মফম অসী কুমশিং ১৯৬০-৬১ গী জরিপ মতমদা খুঙ্গংগী অহল অহুম্না মফম অসিদা লৈরিবা খুঞ্জাশিংগী য়েংলগা কত্থোকপিরম্বনি। নোংজুথা মতমদা ঈশীং চেন্থফম ওইবগা লোয়ননা ঈচাও থোক্কদবদগী ঙাকথোকচনবা, অদূগা ঈকঙথা মতমদনা শঞ্জাবূঙ ওইনবগীদমক কত্থোকপিরম্বা মফম অমনি হায়রক্লি।
হৌখিবা চহী খরা অসীদা কেন্দ্রগী এম এল এ কোঙ্খাম রোবিন্দ্রোনা শল্লম অসীগী মফমশিং শীন্থুংনা,ঈরম-নালাগী মফমফাওবা থম্লমদনা লৈপাক ৱাংনা থোঙ্গৎখিবদগী চহী খূদীঙগী ঈচাও মায়োক্নদুনা লৈরে।লাক্লিবা মার্চ ২৩ ফাওবগী মনূঙদা এম এল এ অসীনা খুঞ্জাশিংদা ঈরম-নালা পীবা ঙমদ্রবদি আইনগী খোঙথাঙ লৌখৎলগনি হায়রক্লি।
