ইম্ফাল ৱেষ্ট দিষ্ট্রিক্ট কি থাংমৈবন্দ চৈরাও চীঙদা পায়খৎলিবা ইকো-টুরিজম প্রোজেক্ট কি মতাঙদা শেমগৎ-শাগৎলিবা অদূ ঙরাং মনিপুর লৈঙাক্কি টুরিজম মিনিষ্টর খূরায়জম লোকেন্না য়েংশিনখ্রে। মহৌশাগী ফজবনা পীক থল্লবা চৈরাও চীঙ অসী মনিপুরগী চহী লীশীং মঙা হেল্লবা পুৱারি অসীগা তৎন-থানবা য়াদনা শাগোন্নদুনা লৈরক্লবা মফম অমসু ওইরিবনি।
মফম অসী লমদমসিগী নাৎ অমসুং কলচরগী অচৌবা সিম্বোল ওইদুনা লৈরক্লবনি।চৈরাও চীঙদা ইকো+টুরিজম প্রোজেক্ট পায়খৎপা অসীনা ইম্ফাল অমদি অকোয়বগী শক্তম কায়হন্দনা, হেন্না মশক থোক্না লৈহনবসু ঙমগনি হায়না মিনিষ্টরনা ফোঙদোকখি।
মহাক্কি য়েংশিন-খোঙচৎ অদূদা থাংমৈবন্দ কেন্দ্রগী এম এল এ খুমুকচম জয়কিষন, সোসিয়েল এক্টিভিষ্ট আর কে সোমেন্দ্রো এলাইজ কাইকু, টুরিজমগী দিরেক্তর লৌরেম্বম বিক্রম অমসুং মরী লৈনবা ওফিসিয়েল কয়াসু শরুক য়াখি।
