বি জে পি অমসুং কংগ্রেস অনীনা হন্দক পাঙথোক্লিবা ১৮ শুবা লোক সভাগী মীখল অসীগী মীখলগী রেল্লিশিংদা ষ্টার কেম্পেইনরশিং থাদোক্তুনা মীয়ামদা ৱা ঙাঙবদা ঈলেক্সনগী মোদেল কোদ ওফ কন্দক্ট ( এম সি সি) রুলশিং থুগাইরে হায়না পার্টি অনীমক্না অমনা অমগী মথক্তা কমপ্লেন্ট কয়া ঈলেক্সন কম্মিসন ওফ ইন্দিয়া (ঈ সি আই) দা থাঙ্গৎনরকখিবা মতূং ইন্না পোল ৱাচদোক অসিনা প্রাইম মিনিষ্টর নরেন্দ্র মোদি, কংগ্রেস প্রসিদেন্ট মাল্লিকার্জুন খরগে, কংগ্রেসকি এম পি রাহুল গান্ধি, বি জে পিগী প্রসিদেন্ট জে পি নাদ্দানচিংবা মীওইশিংদা শো- কোজ নোটিস থাদুনা লাক্লিবা নিংথৌকাবা নুমিৎকি অয়ূক পূং তরামাথোই ফাওবগী মনূংদা পাউখুম পীরক্ননবা অকনবা নোটিস সার্ব তৌখ্রে।
হৌখিবা নোংমাইজিং নুমিত্তা রাজস্থান্দা পাঙথোকখিবা ঈলেক্সন রেল্লি অমদা প্রাইম মিনিষ্টর নরেন্দ্র মোদিনা কংগ্রেসকি লুচিংবশিংগী মায়োক্তা অকনবা ৱাফম কয়া ফোঙদোকখিবগা লোয়ননা মুসলিমশিংদা লৈবাক অসিগী লৈরিবা রিছোর্স য়েন্থোক্তুনা পীথোক্নবা থৌরাং তৌরি হায়না ফোঙদোকখি।
মদুনা মরম ওইরগা রাজনিতিগী চরাঙনবা থোকহন্দুনা মায়কৈ কয়াদগী মোদিগী মথক্তা য়ানীংবা কমপ্লেন্ট কয়া থাঙ্গৎনরকখিবনি। রাহুল গান্ধিনসু প্রাইম মিনিষ্টর নরেন্দ্র মোদিগী মথক্তা অশোয়বা অরানবা কয়া পুথোক্তুনা করেম কথায়নবা, তাবদা নুঙাইতবা ৱাঙাঙ কয়ামরুম ফোঙদোকখি হায়না বি জে পিনা ঈ সি আইদা কমপ্লেন্ট থাঙ্গৎলকখিবনি হায়রি।
