লৈবাক অসীগী মফম পূম্নমক্তা চৎনরগদবা, হৌখিবা ফেব্রুয়ারি ২৮ দা প্রাইম মিনিস্তর নরেন্দ্র মোদিনা হৌদোকখিবা সর্ভাইকেল কেন্সর হায়রিবা তমথিরবা লায়না-লাইওং অসীদগী ঙাকথোকক্ননবা ঐচ পি ভি ভেক্সীন লোঞ্চ তৌখিবা অদূগী পরীঙ অমদা মনিপুরগী চিফ মিনিষ্টর য়ূম্নাম খেমচান্দ নসু ইম্ফাল ইষ্ট দিষ্ট্রিক্টকি পোরোম্পাৎতা লৈরিবা জেনিম্স হোস্পিটালদা ষ্টেট অসিগী ওইনা ঐচ পি ভী ভেক্সীন লোঞ্চ তৌখ্রে। মসীনা সর্ভাইকেল কেন্সর হায়বা তমথিরবা লায়না-লাইওং অসীদগী ঐখোয়গী নূপী অমদি অঙাঙশিং য়াওনা মীওই কয়া লায়না অসিদগী ঙাকথোক্নবা অচৌবা পাম্বৈ অমা ওইরগনি হায়না চিফ মিনিষ্টরনা ফোঙদোকখি।
মদূগী মাঙওইননা খেমচান্দনা মীয়ামদা, মরূ ওইনা নূপী -অঙাঙশিংদা ইমর্জেন্সি হেল্থ সার্বিসকি খুদোংচাবা ফংহন্ননবা পান্দমদা এম্বুলেন্স ৩৩ লমথাদুনা মথৌ পাঙথোকপা হৌহনখি। তোঙান-তোঙানবা মনিপুরগী দিষ্ট্রিক্টশিংদা লৈরিবা মীওইশিংনা তমথিরবা লায়না-লাইওং অসী মায়োক্নরকপদা খূদক্তা,য়াম্না থুনা দাক্তর অমসুং হোস্পিটালগী খুদোংচাবা ফংহন্নবা চিফ মিনিষ্টরনা থৌরাং অসী লৌখৎলকখিবনি হায়রি।মসীগা লোয়ননা চিফ মিনিষ্টরনা জেনিম্স মনূঙগী লম্বীশিং অসী মীয়াম অমদি ইমর্জেন্সী সার্বিসকা মরী লৈননা গারীশিং চত্থোক-চৎশিন তৌবদা খুদোংচাদবা থোকহন্দনবা ইমর্জেন্সি লাউথোক্তুনা খ্বাইদগী অথূবা মতমগী মনূঙদা শেমগৎনবা পি দব্লিয়ু দিগী মকোকথোংবা ওফিসিয়লশিংদা খঙহনখি।
এম্বুলেন্স ৩৩ অদূ এন ই সিগী ফন্দিং মখাদা ষ্টেট লৈঙাক্কি দিরেক্তরেট ওফ হেল্থ সার্বিসেসনা হন্দক নৌনা লৈরকখিবনি।
