মনিপুরগী হীংসাগী ঈরাং অসিগী ফীভম রিভ্যু তৌনবা এম ঐচ এগী টিম ইম্ফালদা থুংলখ্রে

থা মাপন মপুং ফারক্কদৌরবা অসি ফাওবদা লাকশীনবা ঙমদ্রব মণিপুরগী হীংসা অসী লাকশীন্নব পান্দমদা মিনিষ্ট্রি ওফ হোম এফিয়র্স (এম ঐচ এ) না মীহূৎ অহূম্না শাবা অখন্নবা টিম অমা ইম্ফালদা থারকখ্রে।

ইন্দিয়ান এয়র ফোর্সকি অখন্নবা ফ্লাইট অমদা টিম অদু ইম্ফালগী  বির টিকেন্দ্রজীৎ ইন্তরনেস্নেল এয়রপোর্টতা ঙরাং থু্ংলখি। মফম অদুদা মখোয়গা উননবা হান্নদগী ঙাইদুনা লৈরিবা পাউমীশিংফাওবা উনরমদনা খোঙলৈ থুনা এয়রপোর্ট থাদোক্তুনা ইম্ফাল মায়কৈ পাংখি। নাগা  পিস টোল্ককি ইন্টরলোক্যুটর এ কে মিশ্রানা লুচিংবা টিম অদুনা হৌজিক ষ্টেট অসিগী লো এন্দ ওর্দরগি ফীভম য়েংশিনবগা লোয়ননা মরূ ওইবা ঈ-পাউশিং খোমজিনগনি হায়রি।

অখন্নবা টিম অমা থারক্লিবা অসিমক্তি সেন্টরনা লৌখৎলকপা অনৌবা শীংথানিঙাই ওইবা খোঙথাং অমনি হায়না লৌবা য়াই হায়নরি। অখন্নবা টিম অদুনা অরম্বাই তেঙ্গোলগী লুচিংবশিংগা উনদুনা রিপোর্ট খোমগৎপা হৌখ্রে। কুকি মিলিটেন্ট কাঙবূগা সেন্টরগা চত্থরিবা সূ হন্দোকউ, এন আর সি মপূংফানা চৎনহল্লু, মিলিটেন্টশিংগী কেম্পশিং মিজোরামদা থাংদোকখো হায়বনচিংবা দিমান্দ কয়া অরম্বাই টিমগী মায়কৈদগী এম ঐচ এগী টিমদুদা তকশীনখি হায়রি।