মনিপুরদগী আসাম রাইফলস লৌথোকখিবা য়ারোই হায়দুনা কুকি নূপীশিংনা লম্বী থিংদুনা খোঙজঙ চঙশীনখ্রে

মনিপুরদগী আসাম রাইফলস ফোর্স লৌথোকখিবা য়ারোই হায়দুনা কুকি-চিন কাঙলূপকি মীওইশিংনা নেস্নেল  হায়ৱে নম্বর-২ দা লম্বী থিংদুনা খোঙজং চঙশীনখ্রে। আসাম রাইফলস হায়রিবা ফোর্স অসী মীচঙ-মীখায় নাইবা ফোর্স অমা নত্তে। সেন্টিনেল ওফ দি নোরথ ইষ্ট হায়না খঙনরিবা ফোর্স অসীগা লোয়ননা অতৈ সেন্ট্রেল সেক্যুরিটি ফোর্স শিং অসীনা মনিপুরগী লো এন্দ ওর্দর ঙাক্লিবনি। আসাম রাইফলস লৌথোকখ্রবদি ঈরাং অসী হেন্না ফীভম লুশিল্লক্তুনা অতোপ্পা মায়কৈ অমদা চৎখিগনি হায়খি।

আসাম রাইফলসনা কনাগুম্বা কাঙলূপ অমত্তদা তোংশিনবগী ৱাফম লৈতে। আসাম রাইফলস লৌথোকখ্রগা মনিপুরগী হীংশাগী ঈরাং অসী নেমথরক্কদবা লৈতে হায়না থাবা প্লেকার্দ কয়া পায়দুনা তোর্বূং বজারদা লৈবা লম্বীদা ফমজিন্দুনা অকনবা প্রোটেষ্ট তৌখি। আসাম রাইফলস চৎখিবা য়ারোই হায়বা কুকি নূপীশিংগী খোঙজং অসী মমাঙদসু মাপনশুবা এ আরগী গেট মমাঙদা ফমজিন্দুনা চত্থবা লৈখ্রবনি।

জম্মূ অমসুং কাষ্মিরদা হৌজিক টেরোরিজম গী ঈরাং হেন্না কনখৎলকপগা লোয়ননা সেক্যুরিটি ফোর্স পার্স নেলশিংদা ঙাইহাক লৈতনা তেরর এত্তেক চকথরকপগা লোয়ননা হন্দকতা প্রাইম মিনিষ্টর নরেন্দ্র মোদি না চ্যের লৌদুনা সেক্যুরিটি রিভ্যু মিটিং পাঙথোকখ্র বা মতূংদা মনিপুরদগী আসাম রাইফলস বট্টালিয়ন অনী লৌথোক্ন বা থৌরাং তৌরকখিবনি।