মনিপুরদা সেন্ট্রেল সেক্যুরিটি ফোর্স মশীং থীঙমদনা থাজিল্লকপা লেপ্তবগী মায়োক্তা পাক-সন্না প্রোটেষ্ট তৌখ্রে

সেন্টর লৈঙাক্না থা তরাহুমদোই শূরক্লবা, কুকি মিলিটেন্ট শিং অমসুং কুকি-জো কাঙলূপকি ইম্মিগ্ৰেন্টশিংনা সেপরেট এদমিনিষ্ট্রেসন দাবী তৌদুনা চত্থরক্লিবা হীংশাগী ঈরাং অসী লাকশীন্ননবা হোৎনবগী মহুত্তা জিও পোলিটিক্স চত্থরক্তুনা কুকি মিলিটেন্টশিংদা ফোংনা মতেং পাংশিল্লি হায়না অকনবা মরাল শীরদুনা, সেক্যুরিটি ফোর্স মশীং থীঙমদনা থাজিল্লকপগী থৌওং ঙসী-ঙসীমকসু লেপ্তনা চত্থরক্লিবা অসীবু অকনবা মওংদা য়ানিংদবা ফোঙদোক্তুনা মনিপুর তম্পাক্কি দিষ্ট্রিক্টশিংদা পাক সন্না প্রোটেষ্ট তৌখ্রে।
মনিপুর মমাশিংগী খোল্লাউ হায়বা বেন্নর মখাদা মায়কৈ কয়াদগী লাকখিবা ঈমাশিংনা মীটৈগী খুঙ্গংশিং ঙাক্লিবা ভিল্লেজ ভল্লন্টিয়রশিংদা লৈঙাক্না করিগুম্বি মখল অমত্তগী হরাসমেন্ট পীবা য়ারোয়, মনিপুরগী লো এন্দ ওর্দর ষ্টেটকি হোম দিপার্টমেন্ট না কন্ট্রোল তৌ, সেক্যুরিটি এদভাইজর দিসমিস খূদক্তা তৌ, সেন্ট্রেল ফোর্স মনিপুরদগী লৌথোকঊ হায়বনচিংবা খোল্লাউ কয়া লাউখি। মশীং য়াম্লবা ঈমাশিংনা লিলোং, বিষ্ণুপুর, লিলোং চজীং, ইম্ফাল ইষ্ট, ইম্ফাল ৱেষ্ট মায়কৈরোমদগী তোঙান তোঙান্না থোমজিন্নরক্তুনা চিফ মিনিষ্টর অমসুং গভর্নরদা মেমোরেন্দম পীশীন্ননবা চঙশীল্লকপদা ষ্টেট পুলিসনা মফম কয়াদা থত্তুনা অথিংবা পীখি।
প্রোটেষ্ট অদুবু ঈমাগী মৈরা, অমকিল অমসুং মৈরা পায়বী লূপ কয়ানা শৌগত্তুনা শরুক য়াখি।