লৈবাক অসীনা নীংতম্লবা মতূংদা কুমশিং ১৯৫১ দা অহানবা ওইনা পাঙথোকখিবা জেনরেল ঈলেক্সন অদুদগী ঙসীফাওবদা পাঙথোক্তুনা লাক্লিবা চহী মঙা-মঙা লৈরগা পাঙথোকপা ঈলেক্সন ময়াম অসীগী মনূংদা হন্দক পাঙথোকখিবা ১৮শুবা লোক সভাগী মীখল অদুনা খ্বাইদগী মতম শাংনা লৌদুনা মীখল পাঙথোকখিবা ঈলেক্সন অমা হায়বদু ওইখ্রে।
মীখল অদু হৌখিবা এপ্রিল ১৯ দা অহানবা তাঙ্কক্কি ওইনা ভোৎ থাধনদুনা হৌদোকখিবগা লোয়ননা চৎলিবা জূন থা অসীগী অমদা অরোয়বা অমসুং তরেৎশুবা তাঙ্কক্কি ভোৎ থাদনদুনা লোইশিনখিবনি। ঙসী ইন্দিয়াগী মফম পূম্নমক্তা লোক সভাগী মীখল অসীগী ভোৎ মশীং থীবগী থবক চত্থনরিবা অসীগী মনূং চন্না মনিপুরগী ওইনসু তোঙান তোঙানবা দিষ্ট্রিক হেদক্বার্টর তরামরিদা লৈবা মফম ২৪ দা অয়ূক পূং নিপান তাবদগী ভোৎ মশীং থীবা হৌখ্রে।
ভোৎ মশীং থীবগী থবক চত্থনরিবা অসীগী য়েংলগা মরী লৈনবা দিপ্যুটি কম্মিস্নারশিং অমসুং ট্রাফিক কন্ট্রোলগী সুপরিন্টেন্দেন্ট শিংনা তোঙান তোঙানবা নোটিফিকেসনশিং থোক্তুনা ভোৎ মশীং থীবগী থবক চত্থনরিবা মফমশিং য়ৌগদবা লম্বীশীংদা চত্থোক- চৎশীন তৌবগী থবক থৌরমশিংদা অথিংবা কয়ামরুম থমখ্রে। মহৌশা মীয়াম্না চৎনরম্বা লম্বী কয়া থৈদোক্তুনা চৎহনখ্রে।
