ন্টি পিপল, এন্টি নেস্নেল অমসুং এন্টি ষ্টেট ইলিমেন্ট শিং অসী থেংনবদা ঐখোয় মশেল লিংজেল মান্ননা থবক তৌমিন্নবগী তঙায় ফদবা লৈরি। লমদম অসিবু মচেৎ তানা থুগাইনবা হোৎরক্লিবা ইলিমেন্টশিং থেংননবা ঐখোয়না অমত্তা ওইবা পূকচেলগা লোয়ননা থবক পায়খৎমিন্নসি। মদুদি নত্তনা অপীকপা পোলিটিক্স চত্থদুনা অমনা অমদা মরাল থঙজীন্নরগা লৈগদবা মতম নত্তে হায়না চিফ মিনিষ্টর নোংথোম্বম বিরেন্না ফোঙদোকখ্রে।
মনিপুর লৈঙাক্কি দিপার্টমেন্ট ওফ সেরিকলচর অমদি দিপার্টমেন্ট ওফ স্কিল লেবর, ইমপ্লোইমেন্ট এন্দ ওন্ট্রপ্রিন্যুর্সিপকি মখাদা লৈরিবা মনিপুর বিল্ডিং এন্দ অদর কন্সট্রক্সন ৱারকর্স ৱেলফিয়র বোর্দ অনীনা খূৎশম্নরগা চিফ মিনিষ্টর সেক্রেটরিয়েত্তা পাঙথোকখিবা সেরিকলচর দিপার্টমেন্ট কি প্রোজেক্ট মরিগী লূপা ক্রোর ১.২৩ গী শেনফম তোঙান তোঙানবা বেনিফিসরিশিংদা য়েন্থোকখিবা থৌরমদা সি এম বিরেন্না ৱাফম অসী ফোঙদোকখিবনি।
লাইরিক ফোঙবগী থৌরমসু য়াওনা পাঙথোকখিবা প্রোগ্রাম অদুদা সি এম্না হায়, লমদম অসিদা থোক্লিবা হীংশাগী ঈরাং অসীদা মীয়াম্না অপাম্বা অদুমক য়ৌরমদবা য়াই, সেন্টরনা ঈরাং অসী লাকশীন্ননবা হোৎনবদা মপান অমসুং মনূংগী য়াম্না য়াওবনা খন্দোক্নবা হোৎনবদা অৱাবা কয়া মায়োক্নরগা লৈরি হায়খি।
লমদম অসীদা শকখঙলবা ট্রাইব ৩৪ না য়েলহৌঙৈদগী হৌনা নুংশি চান্ননা হিংমিন্নরগা লৈমিন্নরক্লি। মসীদা মনূং অমসুং মপান্দগী ফত্রবা ইলিমেন্টশিং না মনিপুর থুগাইনবা হোৎনরক্লি। ঐখোয়না লিংজেল মান্নরবদি মসিবু ঈরায় লায়না মায়থীবা পীবা ঙমগনি। অথূবা মতমদা ঈরাং অসী লাকশীনবা ঙম্লগনি হায়খী।
